ໃຜໃຊ້ Samsung Galaxy ຕ້ອງຮີບອ່ານກັນເລີຍ ເພາະສະມາດໂຟນໃນມືເຈົ້າອາດໄດ້ໄປຕໍ່ກັບ Android 6.0 Marshmallow ເຟິມແວລ໌ລຸ້ນຫລ້າສຸດຈາກທາງ Google
ເວັບໄຊຕ໌ TimesNews.co.uk ໄດ້ສະແດງຂໍ້ມູນທີ່ອ້າງວ່າເປັນກຳນົດການອັບເດດເຟິມແວລ໌ຂອງ Samsung Galaxy ຈາກທີ່ໃຊ້ກັນໃນປະຈຸບັນ ມາເປັນ Android 6.0 Marshmallow ເຟິມແວລ໌ລຸ້ນຫລ້າສຸດຈາກທາງ Google ໂດຍ Note 5 ກັບ S6 Edge+ ຈະເປັນສອງລຸ້ນທຳອິດທີ່ອັບເດດພາຍໃນເດືອນທັນວານີ້ ກ່ອນທີ່ຈະເປັນ S6 ແລະ S6 Edge ທີ່ໄດ້ອັບເດດຕໍ່ມາໃນເດືອນມັງກອນ ແລະປິດທ້າຍດ້ວຍ Note 4 ແລະ Note Edge ທີ່ຈະໄດ້ອັບເດດໃນເດືອນກຸມພາ ປີ 2016 ຂະນະທີ່ S5 ແລະ Galaxy Alpha ຍັງຕ້ອງລໍຖ້າການຄອນເຟິມ ຊຶ່ງລຸ້ນທີ່ກ່າວມາທັງໝົດນີ້ຈະຢູ່ເຟດ 1 ທີ່ທາງ Samsung ໄດ້ວາງແຜນເອົາໄວ້
ສ່ວນ Galaxy A8, A7, A5, A3, E7 ແລະ E5 ຍັງຢູ່ໃນເສັ້ນທາງທີ່ມີໂອກາດໄດ້ໄປຕໍ່ກັບ Android 6.0 Marshmallow ຊຶ່ງຖືກວາງໃຫ້ຢູ່ໃນເຟດ 2 ແຕ່ຍັງບໍ່ມີການຢືນຢັນເຖິງໄລຍະເວລາໃນການອັບເດດ
ສຳລັບ Samsung Galaxy ລຸ້ນອື່ນໆ ທີ່ຍັງບໍ່ມີລາຍຊື່ຕາມຂໍ້ມູນທີ່ຫລຸດອອກມາ ຕ້ອງລຸ້ນກັນວ່າຈະໄດ້ໄປຕໍ່ກັບ ເຟິມແວລ໌ລຸ້ນໃໝ່ນີ້ຫລືບໍ