ຂ່າວເສົ້າ! ພົບປາຂ່າຕາຍ ທີ່ບ້ານຫາງຄອນ
ຊາວບ້ານໄດ້ ພົບປາຂ່າຕາຍ ທີ່ບ້ານຫາງຄອນ ເມືອງໂຂງ ແຂວງຈຳປາສັກ.
ປາຂ່າ ຫຼື ປາໂລມານ້ຳຈືດ ຖືເປັນ ສັດຫວງຫ້າມ ແລະ ເປັນສົມບັດລຳ້ຄ່າຂອງຊາດ ແລະ ເປັນສີ່ງທີ່ກະຕຸ້ນ ການທ່ອງທ່ຽວຂອງແຂວງ ໂດຍສະເພາະ ທີ່ບ້ານຫາງຄອນ ເມືອງໂຂງ ແຂວງຈຳປາສັກ ຫຼື ອາດກ່າວໄດ້ວ່າ ແຫຼ່ງທ່ອງທ່ຽວ ທາງພາກໃຕ້ ເປັນແຫຼ່ງທ່ອງທ່ຽວສຳຄັນ ຂອງປະເທດເຮົາ ແຕ່ລະປີ ກໍສິມີນັກທ່ອງທ່ຽວ ຈາກປະເທດໄທ ຫຼື ປະເທດອື່ນໆ ອີກຫຼາຍປະເທດ ເຂົ້າມາທ່ອງທ່ຽວ ພ້ອມກັບນຳເງິນມາໃຊ້ຈ່າຍ ໃນບ້ານເມືອງເຮົາ ເກຶດຜົນດີ ຕໍ່ເສດຖະກຶດ ໂດຍລວມຂອງປະເທດ ຊື່ງກໍຄືຂອງຊາດລາວເຮົາ. ພວກເຮົາທຸກຄົນຕ້ອງຊ່ວຍກັນອານຸລັກ ແລະ ສະກັດກັ້ນການລ່າປ່າຂ່າ ທຸກຮູບແບບ.
ສະພາບຂອງປາຂ່າທີ່ພົບ ສ່ວນຫົວແມ່ນ ມີບາດແຜ ຄາດວ່າຈະຖືກມອງ ຫຼື ອຸປະກອນຫາປາໃດໜື່ງ ເຮັດໃຫ້ເກີດບາດແຜ ຈົນຕາຍ.
ນັກຂ່າວສັນຈອນຂອງພວກເຮົາ ໄດ້ໂທລົມກັບ ພໍ່ໃໝ່ ນາຍບ້ານ ບ້ານຫາງຄອນ ໄດ້ໃຫ້ຂໍ້ມູນເພີ່ມວ່າ ໄດ້ ພົບປ່າຂ່າຕາຍ ມື້ວັນທີ 1 ເມສາ 2015 ຢູ່ເຂດໜ້ານ້ຳສອງປະເທດ ລາວ-ກຳປູເຈຍ. ເຊິ່ງປາດັ່ງກ່າວ ແມ່ນໄດ້ສົ່ງໃຫ້ພາກສ່ວນກ່ຽວຂ້ອງ ໄປກວດສອບ ຫາສາເຫດການຕາຍ. ນາຍບ້ານຍັງບອກຕືມວ່າ ປະກົດການ ພົບປາໂລມານ້ຳຈືດຕາຍນີ້ ແມ່ນຈະເຫັນ 3-4 ປີ ມີຄັ້ງໜື່ງ.
ພາບແລະຂ່າວພົບປາຂ່າຕາຍ ທີ່ບ້ານຫາງຄອນ: ນັກຂ່າວສັນຈອນ