ໃນວັນທີ 9 ມີນາທີຜ່ານມາ ສຳນັກຂ່າວ BBC ລາຍງານວ່ານາຍົກລັດຖະມົນຕີແຫ່ງປະເທດອັງກິດ ທ່ານ ບໍຣິສ ຈອນສັນ (Boris Johnson) ໄດ້ອອກຈາກຫ້ອງໄອຊີຍູ ແລະ ຖືກຍ້າຍໄປຮັກສາຢູ່ທີ່ຫ້ອງທຳມະດາແລ້ວ.
ທຳນຽບນາຍົກລັດຖະມົນຕີຖະແຫຼງວ່າ ທ່ານນາຍົກໄດ້ຖືກຍ້າຍອອກຈາກຫ້ອງຜູ້ປ່ວຍໜັກ ໄປທີ່ຫ້ອງຜູ້ປ່ວຍປົກກະຕິ ເຊິ່ງທ່ານນາຍົກຈະໄດ້ຮັບການດູແລຢ່າງໃກ້ຊິດໃນໄລຍະທຳອິດຂອງການພັກຟື້ນ. ໂຄສົກຂອງທຳນຽບກໍ່ໄດ້ກ່າວໄວ້ວ່າ ນາຍົກລັດຖະມົນຕີມີຂວັນກຳລັງໃຈດີຫຼາຍ.
ທ່ານ ບໍຣິສ ຈອນສັນ ຖືກນຳຕົວສົ່ງໂຮງໝໍ ໃນວັນທີ 5 ເມສາ ຕອນກາງຄືນ, ຫຼັງຖືກກວດພົບວ່າຕິດເຊື້ອພະຍາດໄວຣັສໂຄວິດ-19, 10 ມື້ກ່ອນໜ້ານັ້ນ ທ່ານນາຍົກມີອາການປ່ວຍຈາກພະຍາດຢ່າງຕໍ່ເນື່ອງ ລວມໄປເຖີງອາການໄຂ້ສູງ. ໜຶ່ງມື້ຕໍ່ມາ, ທ່ານນາຍົກຖືກສັ່ງເຂົ້າຮັກສາຕົວໃນຫ້ອງໄອຊີຍູ ໂດຍທ່ານໝໍໄດ້ໃຫ້ອົກຊີຕາມການຮັກສາປົກກະຕິ ແລະ ເພິ່ນສາມາດຫາຍໃຈເອງໄດ້ ໂດຍທີ່ບໍ່ຕ້ອງໃຊ້ອຸປະກອນຊ່ວຍອື່ນ, ພ້ອມກັນນີ້ເພິ່ນກໍ່ບໍ່ມີພາວະປອດອັກເສບ.
ຮຽບຮຽງໂດຍ: ວະນິດາ