spot_img
Homeຂ່າວພາຍ​ໃນສາລະວັນ ກວດພົບພະນັກງານຮັບສິນບົນ ເຮັດໃຫ້ລັດເສຍຫາຍຫລາຍຕື້ກີບ

ສາລະວັນ ກວດພົບພະນັກງານຮັບສິນບົນ ເຮັດໃຫ້ລັດເສຍຫາຍຫລາຍຕື້ກີບ

Published on

ໃນ 5 ປີຜ່ານມາ ແຂວງສາລະວັນໄດ້ເອົາໃຈໃສ່ດໍາເນີນການຕິດຕາມກວດກາ, ສະກັດກັ້ນ ແລະຕ້ານສໍ້ລາດ ບັງຫຼວງ ແລະໄດ້ພົບເຫັນຄວາມເສຍຫາຍຂອງລັດມູນຄ່າ 6 ແສນກວ່າໂດລາ, ກັບ 3 ຮ້ອຍກວ່າລ້ານກີບ ໃນນັ້ນ ສາມາດ ເກັບກູ້ໃຫ້ລັດໄດ້ແລ້ວ 67 ຕື້ກີບ ສ່ວນພະນັກງານຜູ້ກະທໍາຜິດແມ່ນຖືກລົງວິໄນຕາມລະບຽບກົດໝາຍ.

ຕາມການລາຍງານຂອງທ່ານ ຄໍາຈັນ ແຈ່ມສະໜອນ ປະທານກວດກາພັກ-ລັດ ແຂວງສາລະວັນ ຕໍ່ກອງປະຊຸມວຽກ ງານກວດກາແຂວງຄັ້ງທີ III ໃນຕົ້ນ ເດືອນພະຈິກນີ້ວ່າ: ຄະນະພັັກ, ອໍານາດການປົກຄອງ, ຄະນະກວດກາ ແຕ່ລະຂັ້ນໄດ້ເປັນເຈົ້າການປະຕິບັດຕາມພາລະບົດບາດ, ໜ້າທີ່-ຂອບເຂດຄວາມຮັບຜິດຊອບ ໂດຍສະເພາະວຽກງານຕິດຕາມກວດກາ, ສະກັດກັ້ນ ແລະຕ້ານການສໍ້ລາດບັງຫຼວງໃນ 5 ປີ ຜ່ານມາໄດ້ດໍາເນີນການກວດກາທັງໜົດ 9 ເປົ້າໝາຍ, ພົບເຫັນການເສຍຫາຍຂອງລັດມູນຄ່າທັງໜົດເປັນເງິນໂດລາ 6,06 ແສນໂດລາ, ເງິນກີບ 366,4 ລ້ານກີບ; ສາມາດເກັບກູ້ຄືນໃຫ້ລັດໄດ້ 67,1 ລ້ານກີບ ແລະໄດ້ຕິດຕາມກວດພົບເຫັນການລັກລອບຂຸດຄົ້ນ, ການເຄື່ອນຍ້າຍ ແລະຊື້-ຂາຍໄມ້ບໍ່ຖືກຕ້ອງບໍລິມາດ 9.086,171 ແມັດກ້ອນ, ພົບເຫັນຜູ້ກະທໍາຜິດທີມີການສໍ້ລາດບັງຫຼວງທັງໜົດ 50 ຄົນ ໃນນັ້ນໄດ້ປະຕິບັດວິໄນຕິຕຽນ-ກ່າວເຕືອນ 6 ຄົນ, ສຶກສາອົບຮົມ 21 ຄົນ, ປົດຕໍາແໜ່ງ ຫຼື ຍ້າຍໄປຮັບໜ້າທີ່ໃໝ່. ທີ່ຕໍ່າກວ່າເກົ່າ 5 ຄົນ, ປົດປ່ອຍອອກຈາກກໍາລັງປ້ອງກັນຄວາມສະຫງົບ ແລະໄລ່ອອກຈາກລັດຖະກອນໂດຍບໍ່ໄດ້ຮັບນະໂຍບາຍ 18 ຄົນ, ຮູບການລະເມີດຂອງພະນັກງານສ່ວນໃຫຍ່ແມ່ນຮັບສິນບົນ.

ໃນນັ້ນ ໄດ້ຕິດຕາມກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ການຈັດຕັ້ງປະຕິບັດການຄຸ້ມຄອງລາຍຮັບ-ລາຍຈ່າຍງົບປະມານ ປະຕິບັດລາຍຮັບໄດ້ 457,20 ຕື້ກວ່າກີບ, ດ້ານລາຍຈ່າຍຄຸ້ມຄອງ ແລະປະຕິບັດໄດ້ຖືກຕ້ອງຕາມເວລາ 1.456,51 ຕື້ກວ່າກີບ; ການຈັດຕັ້ງປະຕິບັດໂຄງການລົງທຶນຂອງລັດທັງພາຍໃນ ແລະຕ່າງປະເທດມີທັງໝົດ 591 ໂຄງການ, ມູນຄ່າ 307,75 ຕື້ກີບ.

ຕໍ່ກັບບັນຫາດັ່ງກ່າວມັນໄດ້ຊີ້ໃຫ້ເຫັນຢ່າງຈະແຈ້ງວ່າ: ຄະນະພັກ, ອໍານາດການປົກຄອງ ແລະຄະນະກວດກາແຕ່ ລະຂັ້ນໄດ້ເອົາໃຈໃສ່ຢ່າງຈິງຈັງ ປະກອບສ່ວນປະຕິບັດໜ້າທີ່ຕິດຕາມກວດກາ, ສະກັດກັ້ນ ແລະຕ້ານການສໍ້ລາດບັງຫຼວງ ພ້ອມທັງປັບປຸງແກ້ໄຂບັນຫາປາກົດການຕ່າງໆທີ່ເກີດຂື້ນຢ່າງເປັນຮູບປະທໍາຖືກຕ້ອງຕາມລະບຽບກົດໝາຍບ້ານ ເມືອງ ແລະທັນການ ເພື່ອຮັບປະກັນບໍ່ໃຫ້ພະນັກງານ-ລັດຖະກອນເອົາເປັນແບບຢ່າງໃນຕໍ່ໜ້າ.

ຫນັງສືພິມເສດຖະກິດ-ສັງຄົ

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...