spot_img
Homeຂ່າວຕ່າງປະເທດເຫັດຫຼິນຈື "ຣາຊາແຫ່ງສະໝຸນໄພ"

ເຫັດຫຼິນຈື “ຣາຊາແຫ່ງສະໝຸນໄພ”

Published on

ໜຶ່ງໃນສະໝຸນໄພຂອງຈີນທີ່ຂຶ້ນຊື່ລືນາມວ່າເປັນຢາປິ່ນປົວພະຍາດຊັ້ນເລີດທີ່ທົ່ວໂລກຮູ້ຈັກກັນດີນັ້ນກໍຄື “ເຫັດຫຼິນຈື” ຊຶ່ງສັບພະຄຸນຂອງເຫັfຊະນິດນີ້ຊ່ວຍບຳລຸງຮ່າງກາຍ ທັງເສີມພູມຄຸ້ມກັນ ຕ້ານການອັກເສບ ຕໍ່ຕ້ານພະຍາດມະເຮັງ ດັ່ງນັ້ນ ເຫັດຊະນິດນີ້ຈິ່ງຖືກຂະໜານນາມວ່າເປັນ “ຢາອາຍຸວັດທະນະ”.

ເຫັດຫຼິນຈື ມີຊື່ສາມັນວ່າ Lingzhi Mushroom ຫຼື Reishi Musgroom ແລະ ມີຊື່ທາງວິທະຍາສາດວ່າ Ganoderma Lucidum ເປັນຢາສະໝຸນໄພຊັ້ນສູງຂອງທີ່ຖືກນຳໃຊ້ມາດົນນານຫຼາຍກວ່າ 4.000 ປີ ຊຶ່ງໄດ້ຮັບການບັນທຶກສັບພະຄຸນໄວ້ໃນຕຳລາ “ເສິນໜົງເປິນສ່າວຈິງ” ວ່າເປັນເທບແຫ່ງເຈົ້າຊີວິດ ເພາະວ່າມີພະລັງມະຫັດສະຈັນໃນການບຳລຸງຮ່າງກາຍ ນອກນີ້ ເຫັດຫຼິນຈື ກໍມີຊື່ເອີ້ນທີ່ແຕກຕ່າງຫຼາກຫຼາຍບໍ່ວ່າຈະເປັນ ຫຼິງຈື ເຫັດໝື່ນປີ ເຫັດອະມະຕະ ເຫັດສັກສິດ ເຫັດນາງກວັກ ແລະ ຍັງຖືກຂະໜານນາມໃຫ້ເປັນຣາຊາແຫ່ງສະໝຸນໄພ ເນື່ອງຈາກສັບພະຄຸນທາງຢາໃນການບຳລຸງຮ່າງກາຍ ຊ່ວຍຂັບສານພິດ ປ້ອງກັນ ແລະ ປິ່ນປົວພະຍາດທີ່ດີເລີດກວ່າສະໝຸນໄພຊະນິດອື່ນ.

ເຫັດຫຼິນຈື ມີຖິ່ນກຳເນີດຢູ່ໃນ ສປ ຈີນ ແລະ ມີຫຼາຍກວ່າ 100 ສາຍພັນ ແຕ່ສາຍພັນທີ່ນິຍົມນຳມາບໍລິໂພກບຳລຸງຮ່າງກາຍ ແລະ ປິ່ນປົວພະຍາດຫຼາຍທີ່ສຸດຄື ເຫັດຫຼິນຈືແດງ (Ganoderma lucidum) ເພາະວ່າມີສານທີ່ມີປະໂຫຍດຕໍ່ຮ່າງກາຍຫຼາຍທີ່ສຸດ.

ສັບພະຄຸນຕ້ານມະເຮັງ ເຫັດຫຼິນຈືມີສັບພະຄຸນທີ່ວົງການແພດກ່າວເຖິງຫຼາຍທີ່ສຸດນັ້ນກໍຄື ລິດໃນການຕ້ານມະເຮັງ ແລະ ຂ້າເຊລມະເຮັງ ເພາະວ່າມີງານວິໄຈທາງການແພດທັງໃນ ແລະ ຕ່າງປະເທດທີ່ພິສູດແລ້ວວ່າ ເຫັດຫຼິນຈືມີຄຸນສົມບັດໃນການຕໍ່ຕ້ານພະຍາດມະເຮັງທີ່ໄດ້ຜົນດີທີ່ສຸດ ບໍ່ວ່າຈະເປັນມະເຮັງຮັງໄຂ່ ມະເຮັງເຕົ້ານົມ ມະເຮັງປາກມົດລູກ ແລະ ອື່ນໆອີກຫຼາຍຊະນິດ ທັງຍັງມີລິດຊ່ວຍກະຕຸ້ນລະບົບພູມຄຸ້ມກັນໃນຜູ້ປ່ວຍມະເຮັງປອດ ມະເຮັງລຳໄສ້ໃຫຍ່ ແລະ ຜູ້ປ່ວຍມະເຮັງຂັ້ນລຸກລາມ

ຢ່າງໃດກໍດີ ເຖິງແມ່ນວ່າຈະມີງານວິໄຈທີ່ພົບວ່າ ການຮັບປະທານເຫັດຫຼິນຈືຈະບໍ່ມີຜົນຂ້າງຄຽງ ແລະ ບໍ່ມີສານຕົກຄ້າງທີ່ຕັບ ຫຼື ໝາກໄຂ່ຫຼັງກໍຕາມ ແຕ່ບາງຄົນອາດມີອາການແພ້ເຫັດກໍເປັນໄດ້ ຊຶ່ງສັງເກດໄດ້ຈາກເວລາທີ່ຮັບປະທານເຂົ້າໄປຈະມີອາການປາກແຫ້ງ ຄໍແຫ້ງ ແລະ ອາດມີອາການຄັນ ຜື່ນຂຶ້ນທົ່ວຮ່າງກາຍ ວິນຫົວ ເຈັບທ້ອງ ເລືອດດັງອອກ ຊຶ່ງຖ້າຫາກມີອາການດ່ັງກ່າວກໍບໍ່ຄວນຮັບປະທານ.

ຂໍ້ຄວນລະວັງ ຍັງມີບາງກຸ່ມທີ່ບໍ່ຄວນຮັບປະທານເຫັດຫຼິນຈື ເນື່ອງຈາກຈະເຮັດໃຫ້ອາການເຈັບປ່ວຍທີ່ເປັນຢູ່ຍິ່ງຮຸນແຮງກວ່າເກົ່າເຊັ່ນ ກຸ່ມແມ່ຍິງຖືພາ ແລະ ແມ່ລູກອ່ອນ ກຸ່ມຄົນທີ່ມີຄວາມດັນເລືອດຕ່ຳ ກຸ່ມຄົນທີ່ມີພາວະເລືອດອອກຜິດປົກກະຕິ ຫຼື ຜູ້ທີ່ມີພາວະເກັດເລືອດຕ່ຳ ນອກນີ້ ກໍມີກຸ່ມຜູ້ປ່ວຍທີ່ເປັນພະຍາດພູມຕ້ານເນື້ອເຍື່ອຂອງຕົນເອງ ໂດຍສະເພາະພະຍາດ SLE ເຫຼົ່ານີ້ເປັນຕົ້ນ.

ທັງນີ້ ເຫັດຫຼິນຈື ຖືເປັນສະໝຸນໄພທີ່ເຊື່ອງຊ້ອນປະໂຫຍດໄວ້ຢ່າງຫຼວງຫຼາຍ ສົມກັບສາຍາ “ຣາຊາແຫ່ງສະໝຸນໄພໂດຍແທ້”  ແຕ່ເຖິງຢ່າງໃດກໍດີ ກໍຂໍຢ້ຳວ່າຜູ້ປ່ວຍຄວນປຶກສາແພດກ່ອນຫາຊື້ເຫັດຫຼິນຈືໃນຮູບແບບຕ່າງໆມາຮັບປະທານ ເນື່ອງຈາກວ່າບາງພະຍາດ ແລະ ບາງອາການ ອາດມີຜົນຂ້າງຄຽງກັບວິທີການປິ່ນປົວພະຍາດໃນແພດແຜນປັດຈຸບັນກໍເປັນໄດ້.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: kapook.com

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...