ຂປລ.ຕາມ ຂ່າວຕ່າງປະເທດ, ໃນວັນທີ 16 ກັນຍາ 2015, ຫວຽດນາມ ແລະ ຍີ່ປຸ່ນ ຈະເພີ່ມຄວາມຮ່ວມມື ດ້ານຄວາມໝັ້ນຄົງ ໂດຍ ຍີ່ປຸ່ນ ຈະມອບກຳປັ່ນ ໃຫ້ແກ່ ຫວຽດນາມ ເພື່ອນຳໃຊ້ໃນ ການລາດຕະເວນ ທາງທະເລ. ນອກນີ້ ຍີ່ປຸ່ນ ຍັງຈະຂະຫຍາຍ ຄວາມຊ່ວຍເຫລືອ ເພື່ອການພັດທະນາ ໃນມູນຄ່າ 28,6 ຕື້ເຢັນ ໃຫ້ຫວຽດນາມ ເພື່ອໃຊ້ ໃນການສ້າງ ໂຮງໝໍ ໃນນະຄອນ ໂຮ່ຈີມິງ ແລະ ມີ ແຜນຈະມອບ ເຄື່ອງຊ່ວຍເຫລືອ ເພື່ອການພັດທະນາ ເພີ່ມຂຶ້ນອີກ 100 ຕື້ເຢັນ ສຳລັບໂຄງສ້າງ ພື້ນຖານ ດ້ານຄົມມະນາຄົມ.
ການຮ່ວມມື ຄັ້ງນີ້ ໄດ້ມີຂຶ້ນ ຫລັງຈາກ ທ່ານ ຫງວຽນ ຟູຈອງ ເລຂາທິການໃຫຍ່ ພັກກອມມູນິດ ຫວຽດນາມ ແລະ ທ່ານ ຊິນໂຊ ອາເບະ, ນາຍົກ ລັດຖະມົນຕີ ຍີ່ປຸ່ນ ໄດ້ຮ່ວມກັນ ຖະແຫລງ ຂ່າວ ຜົນສຳເລັດ ການຮ່ວມມື ຢູ່ນະຄອນຫລວງໂຕກ່ຽວ.
ແຫລ່ງຂ່າວ:
