ສຳນັກຂ່າວຣອຍເຕີ ແລະAFPລາຍງານ ຈາກເມືອງເບຣຸດ, ປະເທດລີບັງ ໃນວັນທີ 12 ມີນາ ວ່າສົງຄາມກາງເມືອງຊີຣີໃກ້ຈະດຳເນີນມາຄົບ 7ປິ ໃນວັນທີ 15 ມີນານີ້, ສູນສັງເກດການສິດທິມະນຸດຊົນຊິຣີ (HOHR) ແຫ່ງອັງກິດ ເປີດເຜີຍຕໍ່ສາທາລະນະຊົນວ່າມີຜູ້ເສຍຊີວິດໃນສົງຄາມກາງເມືອງຊີຣີປະມານ 511.000ຄົນ ໂດຍໃນຈຳນວນນີ້ສາມາດລະບຸຕົວຕົນໄດ້ແລ້ວ 353.395 ສົບ ສ່ວນທີ່ເຫລືອແມ່ນຍັງບໍ່ຮູ້ແນ່ຊັດ. ປະມານ 85% ຂອງຜູ້ທີ່ເສຍຊີວິດແມ່ນພົນລະເຮືອນ ຈາກນໍ້າມືຂອງທະຫານກອງທັບຊີຣີ ແລະພັນທະມິດ ລວມໄປເຖີງປະເທດລັດເຊຍທີ່ເຂົ້າຮ່ວມເມື່ອປີ 2015 ຂອງປະຕິບັດການໂຈມຕີທາງອາກາດເຮືອບິນຮົບລັດເຊຍແມ່ນສ້າງຄວາມສູນເສຍຢ່າງມະຫາສານ,ນອກຈາກນີ້ຍັງມີ ປະເທດອີຣານ ແລະກູ່ມຮິສບອລເລາະ ຈາກລີບັງ.
ຄວາມຂັດແຍ່ງໃນຊີຣີເລີ່ມກໍ່ຂື້ນຈາກການປະທ້ວງລັດຖະບານໃນວັນທີ 15 ມີນາ 2011 ກ່ອນຈະລຸກລາມບານປາຍກາຍເປັນສົງຄາມກາງເມືອງເຕັມຮູບແບບ ແລະລາກດືງມະຫາອຳນາດທັງໃນພຸມີພາກ ແລະລະດັບໂລກເຂົ້າຮ່ວມວົງ ປະຊາຊົນຫລາຍລ້ານຄົນຕ້ອງອົບພະຍົບລົບຫນີໄພ.
ແຫລ່ງຂ່າວຕ່າງປະເທດ TDN
ວີດີໂອປະກອບຈາກ VOX