spot_img
Homeອຸບັດເຫດແລະປາກົດການຫຍໍ້ທໍ້ລູກໃຈໂຫດໃຊ້ມີດແທງພໍ່ຕົນເອງຈົນເສຍຊີວິດ ຍ້ອນຂໍເງິນໄປຫຼິ້ນບຸນບໍ່ໄດ້

ລູກໃຈໂຫດໃຊ້ມີດແທງພໍ່ຕົນເອງຈົນເສຍຊີວິດ ຍ້ອນຂໍເງິນໄປຫຼິ້ນບຸນບໍ່ໄດ້

Published on

ອີງຕາມການລາຍງານຂອງ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ວ່າ: ວັນທີ 09/03/2018 ເວລາ 09:45 ນາທີ ເກີດເຫດລູກຄາຕະກຳພໍ່ຢູ່ບ້ານ ໂຄກສະອາດ ເມືອງໄຊທານີ ນະຄອນຫຼວງວຽງຈັນ ໂດຍໜ່ວຍກູ້ໄພ ມູນນິທິ 1623 ໄດ້ຮັບແຈ້ງເຫດຢູ່ໜ້າສູນ ເຊິ່ງແມ່ນພີ່ນ້ອງນຳສົ່ງເອງ ມີຜູ້ປະສົບເຫດ 1 ຄົນ ເປັນຊາຍ ໄດ້ຮັບບາດເຈັບສາຫັດ ມີບາດແຜຈີກໃຫຍ່ຢູ່ລຳຄໍ 2 ແຫ່ງ, ກ້ອງເອິກ 1 ແຫ່ງ ແລະ ກາງເອິກ 1 ແຫ່ງ. ອາສາສະໝັກໄດ້ຊ່ວຍເຫຼືອຢ່າງເຕັມທີ ແຕ່ກໍ່ບໍ່ອາດຊ່ວຍຊີວິດຜູ້ປະສົບເຫດໄດ້ ເນື່ອງຈາກຜູ້ປະສົບເຫດໄດ້ຮັບບາດເຈັບສາຫັດ ແລະ ໄດ້ເສຍຊີວິດໃນເວລາຕໍ່ມາ.

ຂໍ້ມູນເບື້ອງຕົ້ນຈາກໜ່ວຍກູ້ໄພບອກໃຫ້ຮູ້ວ່າ : ຜູ້ເຈັບເປັນເພດຊາຍ ອາຍຸ 52 ປີ , ອາຊີບຄ້າຂາຍ ບ້ານໂຄກສະອາດ ເມືອງໄຊທານີ ແຂວງ ນະຄອນຫຼວງວຽງຈັນ ໂດຍຖືກລູກໃຊ້ມີດແທງບໍລິເວນຫນ້າທ້ອງ 4 ບ່ອນ ເປັນບາດເປີດໃຫຍ່ ແລະ ໄດ້ປໍ້າຫົວໃຈ ເຊິ່ງໜ່ວຍກູ້ໄພໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ 150 ຕຽງ ແລະ ເສຍຊີວິດໃນເວລາຕໍ່ມາ.

ຈາກການບອກເລົ່າຈາກຜູ້ເຫັນເຫດການໄດ້ບອກວ່າ ຜູ້ເປັນລູກຊາຍໄດ້ຂໍລົດ ແລະ ຂໍເງິນນຳພໍ່ເພື່ອໄປຫຼິ້ນບຸນ ແຕ່ພໍ່ບໍ່ມີໃຫ້ ແລະ ບໍ່ເອົາລົດໃຫ້ໄປ ຈຶ່ງເກີດມີປາກສຽງກັນເກີດຂຶ້ນໂດຍການຖຽງກັນເຖິງຂັ້ນຮຸນແຮງ ແລ້ວລູກກໍ່ໃຊ້ມີດແທງພໍ່ຢູ່ລຳຄໍ 2 ແຫ່ງ ແລະ ບໍລິເວນເອິກ 2 ແຫ່ງ ເຮັດໃຫ້ພໍ່ລົ້ມຟຸບລົງກັບທີ. ຈາກນັ້ນ ລູກທໍລະພີຈຶ່ງໄດ້ຍາດເອົາກະແຈລົດຈັກ ແລະ ຂັບລົດອອກໄປຢ່າງໜ້າຕາເສີຍ.

 

ຂໍ້ມູນ : ນາທີຊີວິດ
ຮູບພາບ : ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...