ທ້າວ ອັສຮາຣຸດດິນ ເຣາະຫມານ, ຜູ້ອຳນວຍການ ການບິນພົນລະເຮືອນຂອງມາເລເຊຍເຜີຍເມື່ອວັນທີ 3 ມີນາ ວ່າການຄົ້ນຫາເຮືອບິນໂດຍສານສາຍການບິນມາເລເຊຍ ແອລາຍ ຖ້ຽວບິນ MH370 ທີ່ສູນຫາຍໄປຢ່າງປິດສະຫນາບໍລິເວນຕອນເຫນືອຂອງມະຫາສະຫມຸດອິນເດຍ ໃນວັນທີ 8 ມີນາຄົມ 2014 ຂະນະທີ່ບິນຈາກເມືອງຫລວງກົວລາລຳເປີ, ມາເລເຊຍ ໄປຍັງເມືອງຫລວງປັກກິ່ງຂອງປະເທດຈີນ ພ້ອມຜູ້ໂດຍສານເທີງເຮືອບິນ 239 ຊີວິດ.
ທາງດ້ານຍາດພີ່ນ້ອງຂອງຜູ້ປະສົບເຄາະຮ້າຍນີ້ແມ່ນກະກຽມເຮັດພິທີຮ່ວມລະນຶກຄົບຮອບ 4 ປີ ແຫ່ງເຫດການໂສກອະນາດຕະກຳທີ່ເມືອງຫລວງກົວລາລຳເປີ ແລະບາງສະມາຊິກຄອບຄົວຍັງລໍຄອຍຜົນການຄົ້ນຫາແຫ່ງຄວາມຫວັງທີ່ຈະໄດ້ຮູ້ເຖີງຄວາມເປັນຈິງ.
ບໍລິສັດໂອຊຽນ ອິນຟິນີຕີ້ ໃນສະຫະລັດ ເຮັດຂໍ້ຕົກລົງກັບທາງການມາເລເຊຍແບບຖ້າບໍ່ພົບຮ່າງເຮືອບິນ ທາງການຂອງມາເລເຊຍແມ່ນຈະບໍ່ໄດ້ເສຍຄ່າຄົ້ນຫາໃຫ້ແກ່ບໍລິສັດດັ່ງກ່າວ. ການຄົ້ນຫາແມ່ນມີມາແຕ່ວັນທີ 22 ມັງກອນ ແລະມີເວລາ 90ວັນ ຫາກພົບຮ່າງເຮືອບິນ ຫລື ກ່ອງດຳ ລັດຖະບານມາເລເຊຍຈະຈ່າຍເງີນຕາມຂະຫນາດພື້ນທີ່ຄົ້ນຫາທີ່ໄດ້ຮ່ວມຕົກລົງກັນໃຫ້.
ທາງດ້ານລັດຖະບານມາເລເຊຍແມ່ນເຊື່ອວ່າໂອກາດໃນການພົບສິ້ນສ່ວນເຮືອບິນແມ່ນອາດຈະມີເຖີງ 85%.
ແຫລ່ງຂ່າວຕ່າງປະເທດTRN