ດິນຍຸບຢູ່ໃຈກາງນະຄອນຫລວງໂຣມ ຂອງອີຕາລີ ເຮັດໃຫ້ມີຍານພາຫະນະຕົກລົງໄປ 7 ຄັນ ແລະ ຕ້ອງອົບພະຍົບປະຊາຊົນຫລາຍສິບຄອບຄົວອອກນອກພື້ນທີ່.
ດິນຫຍຸບດັ່ງກ່າວເກີດຂື້ນທີ່ເຂດ Balduina ທາງຕາເວັນຕົກສຽງເຫນືອຂອງນະຄອນຫລວງໂຣມ ຂອງແລງວັນພຸດທີ່ຜ່ານມາ ມີຄວາມເລຶກ 10 ແມັດ ແລະກວ້າງ 15 ແມັດ, ປະຈຸບັນແມ່ນບໍ່ມີລາຍງານຜູ້ໄດ້ຮັບບາດເຈັບ ແຕ່ເຈົ້າຫນ້າທີ່ກູ້ໄພຕ້ອງປິດກັ້ນພື້ນທີ່ ແລະອົບພະຍົບປະຊາຊົນ 22 ຄອບຄົວອອກຈາກອາຄານ 2ຫລັງທີ່ຢູ່ໃກ້ຄຽງໂດຍດ່ວນ ເພື່ອຄວາມປອດໄພລະຫວ່າງລໍຖ້າໃຫ້ເຈົ້າຫນ້າທີ່ກວດສອບຄວາມຫມັ້ນຄົງຂອງອາຄານ ແລະສອບສວນຫາສາເຫດດັ່ງກ່າວ.
ດິນຍຸບແມ່ນຢູ່ໃກ້ກັບສະຖານທີ່ກໍ່ສ້າງ ທີ່ກຳລັງມີການຮື້ຖອນອາຄານ ຕັ້ງແຕ່ເດືອນຕຸລາ ປີທີ່ແລ້ວ ເພື່ອສ້າງອາຄານຫລັງໃຫມ່, ພື້ນທີ່ດັ່ງກ່າວແມ່ນຢູ່ໃກ້ກັບສະຖານທີ່ກໍ່ສ້າງ ທີ່ກຳລັງມີການຮື້ຖອນອາຄານ ຕັ້ງແຕ່ເດືອນຕຸລາຄົມປີທີ່ແລ້ວ ເພື່ອສ້າງອາຄານຫລັງໃຫມ່ ແລະບ່ອນຈອດລົດໃຕ້ດິນ ບໍລິເວນດັ່ງກ່າວເຄີຍເກີດດິນຍຸບແລ້ວ ແລະມີນໍ້າຮົ່ວໄຫລ ມີລາຍງານວ່າກ່ອນເກີດເຫດ 1 ມື້, ແມ່ນມີຝົນຕົກຫນັກຫລາຍໃນນະຄອນຫລວງໂຣມ ຊື່ງອາດຈະມີສ່ວນກ່ຽວຂ້ອງທີ່ເຮັດໃຫ້ເກີດດິນຍຸບໃນຄັ້ງນີ້.
ແຫລ່ງຂ່າວຕ່າງປະເທດ: CH3