ລາວໂຕໂຢຕ້າ ເອັຟຊີ ຕ້ອງພົບກັບຝັນຮ້າຍອີກຄັ້ງ ເມື່ອເປີດບ້ານເສຍໃຫ້ກັບ ບຶກເກັດ ອັງກໍ ທີມຈາກກໍາປູເຈຍ 0-1 ໃນການແຂ່ງຂັນບານເຕະ ເອເອັຟຊີ ຄັບ 2018 ຮອບເພລອ໊ອຟ ນັດຕັດສິນ ໃນວັນທີ 2 ມັງກອນນີ້ ທີ່ສະໜາມກີລາແຫ່ງຊາດ ຫຼັກ 16 ໃນວັນທີ 4 ກຸມພາ ທີ່ຜ່ານມາ ຫຼັງນັດທໍາອິດເພາະບຸກໄປສະເໝີ 3-3 ລວມ 2 ນັດເສຍໄປ 3-4 ໝົດສິດເຂົາຮອບຕໍ່ໄປ

ຈາກຜົນນັດທໍາອິດ ລາວໂຕໂຢຕ້າ ເອັຟຊີ ເກັບຄວາມໄດ້ປຽບ ເພາະຈະໄດ້ກັບມາຫຼິ້ນໃນບ້ານຂອງຕົວເອງຕ້ອນຮັບການມາຢາມຂອງ ບຶກເກັດ ອັງກໍ ໃນວັນທີ 2 ກຸມພາ 2018 ເວລາ 18:00 ໂມງ ທີ່ສະໜາມກີລາແຫ່ງຊາດ ຫຼັກ 16 ຂໍພຽງສະເໝີດ້ວຍການບໍ່ເສຍປະຕູເກີນ 2 ໜ່ວຍ ກໍ່ຈະເຂົ້າຮອບແບ່ງກຸ່ມ ດ້ວຍກົດປະຕູທີມຢາມທັນທີ.

ແຕ່ປະຫວັດສາດກໍ່ຊໍ້າຮອຍຈົນໄດ້ ເມື່ອ ລາວໂຕໂຢຕ້າ ກັບມາແຂ່ງຂັນໃນບ້ານກັບເສຍໃຫ້ກັບທີມດັ່ງກ່າວ 0-1 ເຮັດໃຫ້ລວມຜົນ 2 ນັດເສຍໄປ 3-4 ບໍ່ໄດ້ໄປຫຼິ້ນຮອບແບ່ງກຸ່ມອີກຄັ້ງ ເພາະກ່ອນໜ້າ ການແຂ່ງຂັນບານເຕະ ເອເອັຟຊີ ຄັບ 2017 ຮອບເພລອ໊ອຟ ລາວໂຕໂຢຕ້າ ກໍ່ບຸກໄປສະເໝີກັບ ບຶກເກັດ ອັງກໍ 1-1, ແຕ່ນັດທີ 2 ກັບມາແຂ່ງຂັນໃນບ້ານຂອງຕົວເອງກັບເສຍໃຫ້ກັບທີມດັ່ງກ່າວ 0-1 ເຮັດໃຫ້ຜົນລວມ 2 ນັດເສຍໄປ 1-2 ໝົດສິດຜ່ານເຂົ້າໄປຫຼິ້ນຮອບແບ່ງກຸ່ມທັນທີ.

https://youtu.be/JNAFleJIkLI

ແຫລ່ງຂ່າວ: news.laosupdate.com