spot_img
Homeຂ່າວພາຍ​ໃນຊຽງຂວາງມີໄມ້ເຖື່ອນເກືອບແສນແມັດກ້ອນ

ຊຽງຂວາງມີໄມ້ເຖື່ອນເກືອບແສນແມັດກ້ອນ

Published on

ຫຼາຍສຳນັກຂ່າວໃນລາວ ໄດ້ລາຍງານວ່າ ໃນຕອນ ເຊົ້າວັນທີ 1 ກຸມພາ 2018 ຢູ່ທີ່ຫ້ອງວ່າການປົກຄອງແຂວງ ແຂວງຊຽງຂວາງໄດ້ຈັດກອງປະຊຸມແກ້ໄຂບັນຫາເລື່ອງໄມ້ບໍ່ຖືກຕ້ອງ ໂດຍແມ່ນ ທ່ານ ບົວສອນ ສີນວນທອງ ຮອງເຈົ້າແຂວງໆຊຽງຂວາງ ເປັນປະທານ, ມີຄະນະປະຈຳພັກ ແຂວງ, ເຈົ້າເມືອງ, ຫົວໜ້າຮອງຫົວໜ້າພະແນກການທີ່ກ່ຽວຂ້ອງເຂົ້າຮ່ວມ.

ກອງປະຊຸມປຶກສາຫາລືເພື່ອແກ້ໄຂໄມ້ທີ່ບໍ່ຖືກຕ້ອງ. ຮູບ: ບຸນມີ

ຕາມຂໍ້ມູນລາຍງານວ່າທົ່ວແຂວງຊຽງຂວາງມີໄມ້ບໍ່ຖືກຕ້ອງຈຳນວນທັງໝົດ 97.488,885 ແມັດກ້ອນ ການທວງຄ່າປັບໄໝຈາກການ ຕັດໄມ້ເກີນອະນຸຍາດຂອງ 9 ບໍລິສັດ (ໂຮງງານ) ເປັນເງິນມູນຄ່າ14.808.458.860 ກີບ ກຳໜົດໃຫ້ຈ່າຍເປັນງວດ ໃຫ້ສຳເລັດໃນປີ 2019 ຊ້າສຸດບໍ່ໃຫ້ກາຍງວດ 1 ປີ 2020.
ໃນຂະນະທີ່ທົ່ວແຂວງ ມີພາຫະນະລາກແກ່(ລົດສະແລວ) 71 ຄັນ ແຂວງໄດ້ອອກຂໍ້ຕົກລົງໃຫ້ມ້າງຕັດແປງເພື່ອ ຮັບໃຊ້ວຽກງານແນວອື່ນ ມີຈັກຕັດໄມ້ 444 ເຄື່ອງ ເຊິ່ງໄດ້ຖືກທຳລາຍຖິ້ມຈຳນວນໜຶ່ງແລ້ວ. ພາຍຫຼັງຄຳສັ່ງເລກທີ15/ນຍ ແລະ ບັ້ນດຳເນີນຊີວິດການ ເມືອງ ເຫັນວ່າຍັງມີການລັກລອບຂົນສົ່ງ ຕັດໄມ້ບາງບໍລິສັດ ແລະ ປະຊາຊົນ.
ປັດຈຸບັນໄມ້ຈຳນວນດັ່ງກ່າວ ໄດ້ມີຫຼາຍບໍລິສັດໄດ້ປະມູນ ແຂວງ, ເມືອງ ແລະ ສູນກາງ ໄດ້ສົມທົບກັນໃນການປະມູນ ແລະ ກຽມເຄື່ອນຍ້າຍໄມ້ຈາກສະໜາມ 2 ເຂົ້າຫາໂຮງງານພາຍໃນໄວໆນີ້. ພ້ອມທັງຍຸບ-ຍົກຍ້າຍບັນດາໂຮງເລື່ອຍ ທີ່ບໍ່ຖືກຕ້ອງ ລາຍງານການເຄື່ອນຍ້າຍໄມ້ໃຫ້ຂັ້ນເທິງຮັບຮູ້ເປັນໄລຍະ ແລະກຽມດຳເນີນປະຕິບັດກົດໝາຍຕໍ່ພະນັກງານ-ປະຊາຊົນຜູ້ມີສ່ວນຮ່ວມໃນການລັກລອບຕັດໄມ້.

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...