ເຮືອບິນຮົບຣັດເຊຍຂຶ້ນບິນສະກັດເຮືອບິນສອດແນມສະຫະລັດ ເໜືອນ່ານຟ้าທະເລດຳ
ເມື່ອວັນທີ 29 ມັງກອນ 2018 ທີ່ຜ່ານມາ ກະຊວງປ້ອງກັນປະເທດຂອງຣັດເຊຍກ່າວວ່າ ເຮືອບິນຮົບ Su-27 ຂອງຣັດເຊຍໄດ້ສະກັດກັ້ນເຮືອບິນສອດແນມຂອງສະຫະລັດ ຫຼັງຈາກເຮືອບິນສອດແນມກອງທັບສະຫະລັດໄດ້ປ່ຽນເສັ້ນທາງການບິນ ແລະ ບິນອອກໄປຈາກຊາຍແດນ ເຮືອບິນ Su-27 ກໍ່ບິນກັບສູ່ຖານທັບ ເຈົ້າໜ້າທີ່ຂອງຣັດເຊຍກວ່າວ່າ ເຮືອບິນສອດແນມຂອງສະຫະລັດບໍ່ໄດ້ລະເມີດນ່ານຟ້າຂອງຣັດເຊຍ ໃນຂະນະທີ່ສະຫະລັດໄດ້ອອກມາຢືນຢັນວ່າການສະກັດກັ້ນຂອງເຮືອບິນຣັດເຊຍຖືເປັນການກະທຳທີ່ບໍ່ປອດໄພ

ໂດຍການສະກັດກັ້ນຄັ້ງນີ້ ເຮືອບິນຮົບຂອງຣັດເຊຍໄດ້ບິນຂ້າມທີ່ດ້ານໜ້າເຮືອບິນຂອງສະຫະລັດ ຈາກຝັ່ງຂວາໄປຝັ່ງຊ້າຍ ຂະນະເຮືອບິນສະຫະລັດເຮັດການບິນດ້ວຍການໃຊ້ອາຟເຕີເບຣິນເນີ ຫຼື ອຸປະກອນສັນດາປຕອນທ້າຍຂອງເຄື່ອງ ກໍ່ຖືກບັງຄັບໃຫ້ຕ້ອງພົບກັບສະຖານະການ “Jet Wash” (ມວນອາກາດຂະໜາດໃຫຍ່ພຸ້ງຈາກດ້ານຫຼັງໄປດ້ານໜ້າເຮືອບິນ) ເຊິ່ງສົ່ງຜົນໃຫ້ເຮືອບິນຂອງສະຫະລັດເຄື່ອນທີ່ຮອບແກນ (roll) 15 ອົງສາ ແລະ ເກີດການປັ່ນປ່ວນຂອງອາກາດຢ່າງຮຸນແຮງ ນີ້ເປັນການອ້າງອີງຈາກຄຳກ່າວຂອງພນຕີ Michelle Baldanza ໂຄສົກກະຊວງປ້ອງກັນປະເທດສະຫະລັດ