spot_img
Homeຄວາມງາມກິນ"ຫມາກໄມ້" ກໍ່ຕຸ້ຍໄດ້

ກິນ”ຫມາກໄມ້” ກໍ່ຕຸ້ຍໄດ້

Published on

ทานผักผลไม้แค่ไหนถึงจะดีต่อสุขภาพ

ເວລາ​ທີ່​ສາວໆ ຢາກ​ຈະ​ຈ່ອຍ ການ​ອົດອາຫານ​ແລ້ວ​ຫັນ​ມາບໍ​ລິ​ໂພກ​ແຕ່​ຫມາກໄມ້  ນັບ​ເປັນ​ວິທີ​ສຸດງ່າຍ​ທີ່​ຕັ້ງ​ແຕ່​ ດາ​ລາ​ຮໍ​ລີ​ວູດ ​ໄປ​ຈົນ​ເຖິງພະ​ນັກ​ງານ​ຫ້ອງການໃຊ້​ກັນ​ມາ​​ດົນແລ້ວ ແຕ່​ໃຜ​ຈະ​ຮູ້​​ວ່າ ຫມາກໄມ້ ທີ່​ທັງ​ແຊບ ​ແລະ ​ໄດ້​ປະໂຫຍດ​ກໍ​ສາມາດ​ສ້າງ​ຄວາມ​ເຈັບປວດໃຈ​ໃຫ້​ກັບ​ນ້ຳ​ໜັກ​ໂຕ ຂອງ​ເຮົາ​ໄດ້​ສຳລັບ​ໂປ​ແກມ ຫລຸດ​ນ້ຳ​ໜັກທີ່​   ທຸກຄົນ ​ເລືອກ​ກິນ​ຫມາກໄມ້​ແທນ​ອາຫານ ໃຊ່​ວ່າ​ຈະ​ໄດ້​ຜົນ 100 %ເພາະ​ຫມາກໄມ້​ບາງ​ຊະນິດ​ນອກ​ຈາກ​ຈະ​ບໍ່​ຊ່ວຍ​ໃຫ້​ອີ່ມ​ທ້ອງ​ແລ້ວ ​ຍັງ​ສາມາດ​ເຮັດໃຫ້​ນ້ຳ​ໜັກ​ໂຕ​ຂອງ​ເຮົາ​ຫລາຍ​ຂຶ້ນ ເຮົາ​ຈະ​ມາ​ເຈາະ​ເລິກ​ເຖິງ​ສາ​ເຫດ​ທີ່​ວ່າ ເປັນຫຍັງ​ກິນຫມາກໄມ້​ແລ້ວ​ຕຸ້ຍເຊິ່ງ​ຈະ​ມີ​ຫມາກໄມ້​ຊະນິດ​ໃດ​ແນ່ !
     ຕຸ້ຍ​ໄດ້​ຈັ່ງໃດ?
ການ​ທີ່​ເຮົາ​ເລືອກ​ກິນ​ຫມາກໄມ້​ຈືດ ​ຫລື ​ສົ້ມ​ແທນ​ອາຫານ 1ຄາບ ເຊັ່ນ ກ້ວຍ ໝາກສີດາ ແອບ​ເປີ້ນ ມັງ​ກອນ ຫລື​ ໝາກນັດ ນັບ​ເປັນ​ວິທີ​ການ​ທີ່​ຜິດ​ຢ່າງ​ຮ້າຍແຮງ ເພາະ​ຫມາກໄມ້​ບາງ​ຊະນິດ​ນັ້ນ​ເຮັດໃຫ້​ຕຸ້ຍ​ໄດ້ ເນື່ອງ​ຈາກ​ນ້ຳ​ຕານ​ໃນ​ຫມາກໄມ້​ນັ້ນ​ຂ້ອນ​ຂ້າງ​ຫລາຍ ໂດຍ​ຄວາມ​ຫວານ​ທີ່​ວ່າ​ນີ້ ​ຈະໃຫ້​ພະລັງ​ງານ​ແກ່​ຮ່າງກາຍ ຊຶ່ງ​ຖ້າ​ຫວານ​ຫລາຍ​ໄປ​ນ້ຳ​ຕານ​ກໍ​ຈະ​ປ່ຽນ​ພະລັງ​ງານ​ໃຫ້ເປັນ​ໄຂ​ມັນ​ສະ​ສົມ​ຢູ່ໃນ​ຮ່າງກາຍ ແລະ ​ນັ້ນ​ຈະ​ກໍ່​ໃຫ້​ເກີດ​ພະຍາດ​ຕຸ້ຍແຕ່ເຮົາ​ສາມາດ​ປຽບທຽບ​ໃຫ້​ເຫັນ​ພາບ​ແບບ​ງ່າຍໆ ໄດ້​ໂດຍ​ການ​ຮັບກິນໝາກ​​ມ່ວງ​ສຸກ 3ໜ່ວຍ ຈະ​ທຽບ​ເທົ່າ​ກັບ​ການ​ໃຫ້​ພະລັງ​ງານ​ປະ​ມານ​ເຂົ້າ​ຂາ​ໝູ 1ຈານ ຫລື ​ຖ້າ​ປ່ຽນ​ຈາກ​ເຂົ້າ​ມາ​ເປັນ​ຫມາກໄມ້​ແບບ ໝາກສີດາ ຫລື​ ໝາກມ່ວງ   ກໍ​ເທົ່າ​ກັບ​ກິນ​ແປ້ງ​ຄືເກົ່າ ແຕ່​ມີ​ນ້ຳ​ຕານ​ຫລາຍກວ່າ ຍິ່ງ​ບໍກິນ​ເຂົ້າ​ຊຶ່ງ​ເປັນ​ໂປຕີນ ​ແລະ​ຜັກ​ທີ່​ເປັນ​ໄຟ​ເບີ​ເລີຍ ຮ່າງກາຍ​ກໍ​ຈະ​ປ່ຽນ​ແປ້ງ ​ແລະ ​ນ້ຳ​ຕານ​ໃນ​ຫມາກໄມ້​ເຫລົ່າ​ນີ້​ໃຫ້ເປັນ​ໄຂ​ມັນ​ສະ​ສົມ​ຢູ່​ດີ ດັ່ງ​ນັ້ນ​ກ່ອນ​ຈະຫ​ລຸດ​ນ້ຳ​ໜັກ​ດ້ວຍ​ຫມາກໄມ້​ຈຶ່ງ​ຄວນ​ສຶກ​ສາ​ໃຫ້​ລະອຽດ

ນອກ​ຈາກ​ນີ້ ການ​ທີ່​ບາງ​ຄົນ​ເລືອກ​ກິນ​ນ້ຳ​ຫມາກໄມ້​ບີບ​ເອງ ແມ່ນ​ຈະ​ບໍ່​ໃສ່​ນ້ຳ​ຕານ​ແຕ່​ແທ້​ຈິງ​ແລ້ວ​ ກໍ​ມີ​ນ້ຳ​ຕານ​ທຳມະຊາດ​ຈຳນວນ​ຫລາຍ ຊຶ່ງ​ຖ້າ​ດື່ມ​ແລ້ວ​ບໍ່​ອອກ​ກຳ​ລັງ​ເຜົາ​ຜານ​ຖິ້ມ​ໄປ ກໍ​ອາດ​ເຮັດໃຫ້​ຕຸ້ຍ​ຫລາຍກວ່າ​ການ​ດື່ມ​ນົມ​ຈືດ​ຂາດ​ມັນ​ເນີຍ​ ຂະນະ​ດຽວ​ກັນ​ຜົນ​ຈາກ​ການ​ທົດສອບ​ປະລິມານ​ນ້ຳ​ຕານ​ໃນ​ນ້ຳ​ຫມາກໄມ້​ຍັງ​ສະແດງ​ໃຫ້​ເຫັນ​ອີກວ່າ ມີ​ຄ່າ​ສະເລ່ຍຢູ່ທີ່ 9.27ກຣາມ/100ມິນລິ​ລີດ ຫລື ​ປະ​ມານ 2ບ່ວງ​ຊາ​ ເຊິ່ງ​ປະລິມານ​ນ້ຳ​ຕານ​ທີ່​ນັກ​ໂພສະ​ນາ​ການ ​ແນະ​ນຳ​ໃຫ້​ຮັບປະທານ​ຕໍ່​ຄາບ​ ຄື​ບໍ່​ຄວນ​ກາຍ 4ບ່ວງ​ຊາ ​ສຳລັບ​ເດັກນ້ອຍ ແລະ 6ບ່ວງ​ຊາ ​ສຳລັບ​ຜູ້ໃຫຍ່ ຫາກ​ເຮົາ​ດື່ມ​ນ້ຳ​ຜັກ-ຫມາກໄມ້​ລວມ​ພ້ອມ​ດື່ມ 1ຈອກ ຫລື​ ປະ​ມານ 200ມິ​ລິ​ລີດ ເຮົາ​ຈະ​ໄດ້​ນ້ຳ​ຕານ​ປະ​ມານ 4ບ່ວງ​ຊາ ເຊິ່ງ​ຖື​ວ່າ ​ຄ່ອນ​ຂ້າງ​ສູງ​ເມື່ອ​ລວມ​ກັບ​ອາຫານ​ໝົດ​ມື້ ທີ່​ກິນ ແລະ ​ນັ້ນ​ເຮັດໃຫ້​ໄດ້​ຮັບ​ນ້ຳ​ຕານ​ກາຍຄວາມ​ຈຳ​ເປັນ ຈຶ່ງ​ຖື​ເປັນ​ຜົນ​ເສຍ​ຕໍ່​ສຸຂະ​ພາບ

ຢ່າງໃດ​ກໍ​ຕາມ ການ​ກິນຫມາກໄມ້​ເພື່ອຮັກສາຮູບຮ່າງ​ງາມ ​ກໍ​ຍັງມີ​ປະໂຫຍດ​ກວ່າ​ການ​ອົດອາຫານ ຫລື​ ເລືອກ​ທາງຂອງ​ຢາຫລຸດ​ນ້ຳ​ໜັກ ເພາະ​ການ​ກິນ​ຫມາກໄມ້​ຈະ​ເຮັດໃຫ້​ເຮົາ​ໄດ້ຮັບ​ໄຟ​ເບີ ​ແລະ ​ວິ​ຕາ​ມິນ​ຊີ​ໃນ​ປະລິມານ​ພໍ​ເໝາະສົມ​ກັບ​ຄວາມ​ຕ້ອງ​ການ​ຂອງ​ຮ່າງກາຍ​ໃນ​ແຕ່​ລະ​ມື້ ແຖມ​ຍັງມີ​ສານ​ຕ້າ​ນອານຸ​ມູນ​ອິດສະຫລະ​ທີ່​ດີ​ຕໍ່​ສຸຂະພາບ

ຫມາກໄມ້​ທີ່​ຄວນ ຫລີກຫ່າງ!

ສຳລັບ​ຫມາກໄມ້​ທີ່​ຂຶ້ນ​ຊື່​ວ່າ ​ມີ​ນ້ຳ​ຕານ​ຫລາຍ​ກໍ​ສັງເກດ​ໄດ້​ບໍ່​ຍາກ ພວກ​ສີ​ເຫລືອງໆ  ລົດຊາດ​ຫວານ​ໆ ຂໍ​ໃຫ້​ຫລີກຫ່າງ ​ໂຕ​ໄວ້​ເລີຍ​ຈະ​ດີ​ທີ່ສຸດ ເຊັ່ນ ທຸ​ລຽນ , ກ້ວຍ​ໄຂ່  ກ້ວຍ​ນ້ຳ​ ກ້ວຍ​ຫອມ, ໝາກມີ້, ໝາກ​ມ່ວງ​ສຸກ, ເງາະ, ລຳ​ໄຍ, ລອງ​ກອງ, ແລະ   ລະ​ມຸດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...