spot_img
Homeນານາສາລະເຄັດລັບທີ່ເຮັດໃຫ້ຄົນຈີນຮັ່ງມີ

ເຄັດລັບທີ່ເຮັດໃຫ້ຄົນຈີນຮັ່ງມີ

Published on

ປັດຈຸບັນນີ້ຕ້ອງຍອມຮັບເລີຍວ່າ ປະເທດຈີນກາຍເປັນປະເທດທີ່ມີບົດບາດດ້ານເສດຖະກິດໃນອັນດັບຕົ້ນໆຂອງໂລກ ແລະ ໃນປະເທດຈີນເປັນອີກປະເທດໜຶ່ງທີ່ມີຄົນລວຍອາໃສຢູ່ຫຼາຍ ເຮົາຈະສັງເກດເຫັນຄົນຈີນທີ່ມາອາໃສຢູ່ລາວ ສ່ວນຫຼາຍເຖິງແມ່ນວ່າພວກເຂົາຈະເຮັດອາຊີບຄ້າຂາຍ ແລະ ຈະເຫັນໄດ້ວ່າພາຍໃນປີສອງປີພວກເຂົາເຫຼົ່ານັ້ນກໍ່ຈະລວຍຂຶ້ນ ມີຢູ່ມີກິນຂຶ້ນເລື່ອຍໆ ວັນນີ້ແອັດມິນເລີຍມີເຄັດລັບທີ່ເຮັດໃຫ້ຄົນຈີນຮັ່ງມີຂຶ້ນມາຝາກ ຫວັງວ່າຄົນທີ່ໄດ້ອ່ານຈະໄດ້ບົດຮຽນດີໆ ເພື່ອຖອດຖອນນຳໄປໃຊ້ໃນຊີວິດປະຈຳວັນຂອງທ່ານ

1. ຄວາມຂະຫຍັນຕ້ອງເປັນທີໜຶ່ງ
ຂໍ້ນີ້ເປັນໜຶ່ງໃນບັນດາອົງປະກອບທີ່ເຮັດໃຫ້ຄົນຈີນທີ່ປະສົບຜົນສຳເລັດໃນທຸລະກິດທຸກຄົນມີ ຄວາມຂະຫຍັນໃນທີ່ນີ້ຄືຕ້ອງເປັນຄົນທີ່ບໍ່ຕິວຽກຕິງານບໍ່ຕິໄລຍະທາງ ຈະໄປຂາຍເຄື່ອງໄກສ່ຳໃດກໍ່ໄປ ເຫມື່ອຍຫຼາຍໄດ້ຂາຍໜ້ອຍກໍ່ຕ້ອງທົນ.

2. ຊື່ສັດມີກິນຈົນວັນຕາຍ
ຄົນຈຳນວນບໍ່ໜ້ອຍທີ່ຕິເຄື່ອງຂອງຈາກຈີນ ແຕ່ຄວາມຊື່ສັດກັບອາຊີບຕົນເອງຄືສິ່ງທີ່ຄົນຈີນຢືດຖືມາຕະຫຼອດ ບໍ່ວ່າຈະຂາຍຫຍັງກໍ່ຕາມສິ່ງທີ່ຕ້ອງມີຄືຄວາມຊື່ສັດກັບສິນຄ້າຕົນເອງ ແລະ ຕ້ອງມີຄວາມເຊື່ອໝັ້ນວ່າຂ້ອຍຕ້ອງປະສົບຜົນສຳເລັດກັບສິ່ງນີ້.

3. ຮູ້ແຫຼ່ງທີ່ຈະເຮັດໃຫ້ຕົ້ນທຶນຕ່ຳ ແລະຮູ້ຕໍ່ລອງ
ຊາວຈີນເປັນພໍ່ຄ້າທີ່ມີຄວາມພະຍາຍາມສູງໃນການຫາສິນຄ້າທີ່ລາຄາຕ່ຳເພື່ອບໍ່ໃຫ້ຕົ້ນທຶນສູງເກີນໄປ ແລະລູກຄ້າສາມາດຮັບໄດ້ ໃນເວລາດຽວກັນຕ້ອງກ້າທີ່ຈະຕໍ່ລອງຫາກເຊື່ອວ່າຂອງສິ່ງນີ້ຂາຍໄດ້ແນ່ນອນ ຫຼັງຈາກນັ້ນກໍ່ເດີນສາຍການຂາຍໃຫ້ໄດ້ຕາມຄວາມຄາດຫວັງ.

4. ວ່ອງໄວຫຼາກຫຼາຍ
ຜູ້ຄ້າຂາຍຫຼາຍຄົນມັກຢືດຕິດກັບຄຸນນະພາບຂອງສິນຄ້າຕ້ອງຂາຍໃຫ້ໄດ້ລາຄາແພງສົມໃຈ ເຮັດໃຫ້ສິນຄ້າຄ້າງຮ້ານດົນໆບໍ່ຂາຍຈັກເທື່ອ ແຕ່ສຳລັບຊາວຈີນຄວາມຄິດເຂົາອັນໜຶ່ງຄືຂອງຊື້-ຂອງຊາຍຊື້ມາກໍ່ຂາຍໄປດີກວ່າຖ້າເອົາກຳໄລຫຼາຍບໍ່ມີໃຜຊື້ ພ້ອມດຽວກັນຕ້ອງໃຫ້ມີຄວາມຫຼາກຫຼາຍໃຫ້ຄົນຊື້ຍູທ່າງເລືອກຕາມໃຈຕ້ອງການຈະຊ່ວຍຍູ້ຍອດຂາຍໄດ້ຫຼາຍຂຶ້ນ.

5. ເຊື່ອວ່າອັນໃດກໍ່ຂາຍໄດ້
ຄົນຈີນມັກຈະຄິດສະເໝີວ່າອັນໃດກໍ່ຂາຍໄດ້ ຫາກເຮົາຕັ້ງໃຈຂາຍກໍ່ຕ້ອງມີຄົນຊື້ ຂໍພຽງໃຊ້ປະໂຫຍດໄດ້ ແລະໂຕເຮົາເອງມີຄວາມອົດທົນພໍ.

6. ກ້າສ້າງຄວາມແຕກຕ່າງ
ເຮົາຕ້ອງຍອມຮັບວ່າຄົນຈີນເປັນຊາດໜຶ່ງທີ່ມີຄວາມຄິດສ້າງສັນທີ່ສຸດຊາດໜຶ່ງໃນໂລກ ມີວິທີການຂາຍທີ່ປະຫຼາດກໍ່ສ້າງຄວາມໜ້າສົນໃຈບໍ່ໜ້ອຍ ຕົວຢ່າງການຕັ້ງລາຄາແພງຈົນຫູອື້ ແຕ່ສາມາດຕໍ່ລາຄາລົງມາໄດ້ແບບຈົນງຶດ ນີ້ຄືການສ້າງພາບລວງຕາເພື່ອເພີ່ມມູນຄ່າສິນຄ້າໄດ້ແບບທາງອ້ອມ

ບົດຄວາມຫຼ້າສຸດ

ເຈົ້າໜ້າທີ່ ກວດພົບ ອຸປະກອນທວນສັນຍານ ຈາກຕ່າງປະເທດ ມາໃຊ້ຢູ່ ນະຄອນຫລວງວຽງຈັນ

ຕັກເຕືອນ-ອົບຮົມ ພ້ອມຍຶດອຸປະກອນທວນສັນຍານ ຈາກຕ່າງປະເທດ ທີ່ລັກລອບມານຳໃຊ້ຢູ່ໃນນະຄອນຫຼວງວຽງຈັນ. ວັນທີ 19 ສິງຫາ 2025 ເພຈຂ່າວກະຊວງເຕັກໂນໂລຊີ ແລະ ການສື່ສານ ລາຍງານວ່າ: ໃນລະຫວ່າງເດືອນ ມິຖຸນາ ຫາ...

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...