ລາຍງານຫຼ້າສຸດຈາກ Wall Street Journal ເປີດເຜີຍວ່າ ນັກວິທະຍາສາດຈີນໄດ້ກ້າວໜ້າເລື່ອງການຕັດແປງພັນທຸກຳ ແລະ ມີຜູ້ປ່ວຍຫຼາຍຄົນໄດ້ຮັບການຮັກສາດ້ວຍການຕັດແປງພັນທຸກຳດ້ວຍເຕັກນິກ CRISPR

ການຮັກສາຜູ້ປ່ວຍດ້ວຍການດັດແປງພັນທຸກຳນັ້ນ ແມ່ນເຮັດໄດ້ໂດຍການນຳເຊລອອກມາຈາກຜູ່ປ່ວຍ ຈາກນັ້ນກໍ່ເຮັດການດັດແປງພັນທຸກຳ ແລ້ວກໍ່ນຳມັນໃສ່ກັບຄືນເຂົ້າສູ່ຮ່າງກາຍຜູ້ປ່ວຍ ໂດຍທາງການແພດມີຄວາມຫວັງວ່າຈະໃຊ້ວິທີນີ້ເພື່ອຮັກສາໂຣກຮ້າຍໄດ້ສາລະພັດ ຕັ້ງແຕ່ໂຣກເອສ ຈົນຮອດໂຣກມະເຮັງ ໂດຍການທົດລອງໃຊ້ເທັກນິກ CRISPR ນັກວິທະຍາສາດຈີນໄດ້ເຮັດການທົດລອງໃນເລື່ອງນີ້ມາໄດ້ປີປາຍແລ້ວ ແລະ ປັດຈຸບັນມີຜູ້ປ່ວຍເຖິງ 86 ຄົນທີ່ໄດ້ຮັບການຮັກສາດ້ວຍວິທີດັດແປງພັນທຸກຳຈາກປະເທດຈີນ

ແຕ່ເຖິງຢ່າງໃດກໍ່ຕາມບໍ່ໄດ້ໝາຍຄວາມວ່າ ການດັດແປງພັນທຸກຳ ຈະສາມາຮັກສາໂຣກໄດ້ທຸກຮູບແບບ ແລະ ຜົນຂ້າງຄຽງຂອງມັນກໍ່ຍັງຄົງເປັນປິດສະໜາທີ່ບໍ່ມີຄຳຕອບ ຮວມເຖິງເລື່ອງຄວາມອ່ອນໄຫວທາງຈະລິຍະທຳໃນການດັດແປງລາຍລະອຽດໃນຄວາມເປັນມະນຸດຂອງເຮົາ ແລະ ມີນັກວິທະຍາສາດຈຳນວນຫຼາຍກັງວົນວ່າການແກ້ໄຂຂໍ້ບົກຜ່ອງໃນ DNA ຂອງເຮົາຈະເປັນຜົນດີພຽງໄລຍະສັ້ນ ແຕ່ຜົນເສຍທີ່ຕາມມາອາດມີຄວາມຮ້າຍແຮງຫຼາຍກວ່າທີ່ຄິດ