ເລື່ອງເສົ້າເກີດຂຶ້ນໃນຕອນຄໍ່າ ວັນທີ 23 ມັງກອນ 2018 ຢູ່ເສັ້ນທາງເລກທີ 13 ໃຕ້ ເຂດບ້ານປາກກະດິງເໜືອ ໄດ້ເກີດເຫດລົດກະບະວິໂກ້ ສີປອນເງິນ ໝາຍເລກທະບຽນຈື່ໄດ້ແຕ່ວ່າ ລົງທ້າຍ 77 ໄດ້ຕຳເອົາລົດຈັກສາມລໍ້ (ລົດຊາເລ້ງ) ທີ່ມີຂົນຂີ່ມານຳກັນ 5 ຄົນ ເຮັດໃຫ້ທັງໝົດໄດ້ຮັບບາດເຈັບສາຫັດ ແລະເສຍຊີວິດໃນເວລາຕໍ່ມາ 1 ຄົນ ເປັນເດັກນ້ອຍຍິງອາຍຸ 10 ປີ ສ່ວນອີກ 4 ຄົນແມ່ນຍັງກຳລັງປິ່ນປົວຢູ່ໂຮງໝໍ.

ຕໍ່ບັນຫາດັ່ງກ່າວນັ້ນ, ພໍ່ຂອງເດັກນ້ອຍຜູ້ເສຍຊີວິດ ກໍຄືທຸກຄົນໃນຄອບຄົວຂອງນ້ອງ ຕ່າງກໍເສົ້າໂສກເສຍໃຈ ແລະໝົດຫົນທາງທີ່ຈະນຳໂຕຄົນຂັບລົດກະບະວິໂກ້ຄັນດັ່ງກ່າວມາຮັບຜິດຊອບ. ໄດ້ແຕ່ວິ່ງວອນວ່າ ຂໍໃຫ້ກັບມາຮັບຜິດຊອບກັບສິ່ງທີ່ເກີດຂຶ້ນ ດ້ວຍນໍ້າໃຈຂອງມະນຸດຄືກັນ ທຸກບັນຫາສາມາດບັນເທົາລົງໄດ້ດ້ວຍການຢຽວຢາ ແລະໂອ້ລົມກັນ.