ທີມຊາດຫວຽດນາມ ສ້າງປະຫວັດສາດກາຍເປັນຊາດທຳອິດຈາກພາກພື້ນອາຊຽນທີ່ສາມາດທະລຸເຂົ້າສູ່ຮອບ 4 ທີມສຸດທ້າຍ ໃນການແຂ່ງຂັນ ບານເຕະຊີງແຊມອາຊີ ຫຼື AFC ຮຸ່ນອາຍຸບໍ່ເກີນ 23 ປີ ຫຼັງເປັນຝ່າຍເອົາຊະນະຈຸດໂທດ ອິຮັກ 5-3 ເມື່ອວັນເສົາທີ 20 ມັງກອນ ທີ່ຜ່ານມາ.
ໂດຍໃນເວລາທັງສອງທີມສະເໝີກັນ 1-1 ກ່ອນທີ່ຈະຕ້ອງຕໍ່ເວລາພິເສດອອກໄປ ເຊິ່ງໃນຊ່ວງຕໍ່ເວລາພິເສດ ທັງສອງທີມເປີດສາກແລກກັນຢ່າງດຸເດືອດ ກອນຄົບ 120 ນາທີ ສະເໝີກັນ 3-3 ຕ້ອງຕັດສິນກັນທີ່ຈຸດໂທດ ກ່ອນ ຫວຽດນາມ ຈະເປັນຝ່າຍເຮັດໄດ້ດີກວ່າຜ່ານເຂົ້າສູ່ຮອບຮອງຊະນະເລີດໄດ້ສຳເລັດ ໄປພົບກັບ ກາຕາ.
ຫຼັງເກມການແຂ່ງຂັນ ແຟນບານນັບສິບພັນຄົນໃນນະຄອນຮາໂນ້ຍ, ໂຮຈິມິນ ແລະ ເມືອງຕ່າງໆທົ່ວປະເທດຫວຽດນາມ ພາກັນຂີ່ລົດຈັກອອກມາແຫ່ສະຫຼອງຕາມທ້ອງຖະໜົນ ແກວ່ງທຸງກັນຢ່າງສະໃຈກັບໄຊຊະນະທີ່ໜ້າພາກພູມໃຈຂອງປະເທດໃນເທື່ອນີ້.
ແຫລ່ງຂ່າວ: ມ່ວນ ສະນຸກ