ເກົາຫຼີເໜືອ ແລະ ເກົາຫຼີໃຕ້ ບັນລຸຂໍ້ຕົກລົງສົ່ງນັກກິລາຮ່ວມຂະບວນພາເຫລດໂອລິມປິກລະດູໜາວ 2018 ພາຍໃຕ້ “ຮ່ວມທຸງຊາດ” ໃນເດືອນໜ້າ ແລະ ຕົກລົງທີ່ຈະຈັດຕັ້ງທີມຮັອກກີ້ນ້ຳແຂງຍິງສະເພາະກິດຮ່ວມກັນ ຫຼັງຈາກການຫາລືຂອງເຈົ້າໜ້າທີ່ລະດັບສູງຂອງທັງສອງຝ່າຍ ເຊິ່ງຈັດຂຶ້ນເປັນຄັ້ງທຳອິດໃນຮອບ 2 ປີ ທີ່ໝູ່ບ້ານ ປັນມຸນຈອມ

ຄວາມເຄື່ອນໄຫວນີ້ນັບເປັນບາດກ້າວທີ່ສຳຄັນທ່າມກາງສະຖານະການຄວາມເຢັນຊາລະຫວ່າງສອງເກົາຫຼີທີ່ເລີ່ມດີຂຶ້ນນັບແຕ່ຊ່ວງປີໃໝ່ເປັນຕົ້ນມາ ໂດຍເກົາຫຼີເໜືອສະເໜີຈະສົ່ງນັກກິລາຮ່ວມງານແຂ່ງຂັນໂອລິມປິກລະດູໜາວ ເຊິ່ງຈະຈັດຂຶ້ນໃນລະຫວ່າງວັນທີ 9-25 ກຸມພານີ້ ທີ່ເມືອງພະຍອງຊາງໃນເກົາຫຼີໃຕ້

ຫາກເປັນໄປຕາມແຜນຈະມີຕົວແທນຈາກເກົາຫຼີເໜືອນັບຮ້ອຍ ຮວມທັງເຊຍລີດເດີ້ 230 ຄົນ ນັກດົນຕີວົງດຸຣິຍາງ 140 ຄົນ ແລະ ນັກເທຄວັນໂດ 30 ຄົນ ເດີນທາງຂ້າມຊາຍແດນທາງບົກເພື່ອເຂົ້າຮ່ວມການແຂ່ງຂັນໂອລິມປິກລະດູໜາວທີ່ເກົາຫຼີໃຕ້ ເຊິ່ງຈະໝາຍເຖິງການເປີດຖະໜົນເຊື່ອມຊາຍແດນທາງບົກເປັນຄັ້ງທຳອິດໃນຊ່ວງໄລຍະເກືອບສອງປີ

ສ່ວນການຈັດຕັ້ງທີມຮັອກກີນ້ຳແຂງຍິງ ຈະເປັນຄັ້ງທຳອິດທີ່ມີນັກກີລາຈາກສອງເກົາຫຼີ ເຂົ້າຮ່ວມການແຂ່ງຂັນເປັນທີມດຽວກັນ ແລະ ເກົາຫຼີຍັງຕົກລົງທີ່ຈະສົ່ງຕົວແທນ 150 ຄົນເຂົ້າຮ່ວມການແຂ່ງຂັນພາຣາລິມປິກໃນເດືອນມີນາທີ່ຈະຮອດນີ້