ເຈົ້າໜ້າທີ່ມອດໄຟນະຄອນຫລວງວຽງຈັນ ໃຫ້ຮູ້ວ່າ: ໃນອາທິດຕົ້ນເດືອນກັນຍານີ້ ໄດ້ເກີດເຫດໄຟໄໝ້ເຮືອນ
ຂອງປະຊາຊົນແລ້ວ 2 ຫລັງຄື ໃນເວລາປະມານ 12:30 ໂມງຂອງວັນທີ 1 ກັນຍານີ້ ເກີດໄຟໄໝ້ເຮືອນຫລັງໜຶ່ງ
ສອງຊັ້ນ (ລຸ່ມກໍ່ເທິງໄມ້) ຢູ່ບ້ານໂຄກຊາຍ ເມືອງຫາດຊາຍຟອງ ນະຄອນຫລວງວຽງຈັນ ເຊິ່ງແມ່ນນາງ ວິລັດດາ
ເປັນ ເຈົ້າຂອງ ແລະ ຫລັງທີ່ສອງເກີດຂຶ້ນມື້ດຽວກັນ ໃນເວລາປະມານ 20:30 ໂມງ ເປັນເຮືອນສອງຊັ້ນ (ລຸ່ມກໍ່
ເທິງໄມ້) ຢູ່ບ້ານໄຮ່ ເມືອງປາກງື່ມ ນະຄອນຫລວງວຽງຈັນ ໂດຍແມ່ນທ້າວ ບຸນອ້ອມ ອາຍຸ 50 ປີເປັນເຈົ້າຂອງ
ແລະ ຜ່ານການລົງພິສູດຂອງເຈົ້າໜ້າທີ່ໃຫ້ຮູ້ວ່າ: ເຫດໄຟໄໝ້ສອງຄັ້ງ ນີ້ແມ່ນເກີດຈາກໄຟຟ້າຊ໋ອດ.
ພ້ອມທັງຝາກເຕືອນປະຊາຊົນທີ່ຊົມໃຊ້ຟືນໄຟຈົ່ງມີສະຕິລະວັງຕົວສູງ ແລະ ພ້ອມທັງໝັ້ນກວດກາອຸປະກອນ
ແລະ ສາຍໄຟພາຍໃນເຮືອນ, ສຳນັກງານ-ອົງການ ຢ່າງເປັນປົກກະຕິ, ຖ້າຫາກມີສະພາບເກົ່າແກ່ຊຸດໂຊມກໍຄວນ
ສ້ອມແປງປ່ຽນຖ່າຍອັນໃໝ່ ແລະ ຖ້າມີເງື່ອນໄຂກໍຄວນມີບັ້ງມອດໄຟປະຈຳເຮືອນ ເພື່ອໃຫ້ຮັບປະກັນໃນການ
ສະກັດກັ້ນອັກຄີໄພທີ່ອາດຈະເກີດຂຶ້ນໄດ້ທ່ວງທັນ ແລະ ຫລຸດຜ່ອນຜົນເສຍຫາຍທາງດ້ານຊີວິດ ແລະ ຊັບສີນທີ່
ຈະຕາມມາ.
ແຫຼ່ງຂ່າວ: ລາວພັດທະນາ