ປະທານາທິບໍດີ ບາຣັກ ໂອບາມາ ປະກາດສ້າງແນວຮ່ວມຕາມລ່າກຸ່ມ IS ຫຼັງນັກຂ່າວສະຫະລັດຖືກຂ້າຕັດຄໍອີກລາຍ
ວັນທີ 4 ກັນຍາ 2014 ນີ້ ສຳນັກຂ່າວຕ່າງປະເທດລາຍງານວ່າ ປະທານາທິບໍດີ ບາຣັກ ໂອບາມາ ປະກາດວ່າ ສະຫະລັດ
ອາເມຣິກາບໍ່ຫວັ່ນກົວຕໍ່ການຄຸກຄາມຂອງລັດອິດສະລາມ ຫຼື IS (Islamic State) ແຕ່ຈະສ້າງແນວຮ່ວມຂຶ້ນມາເພື່ອ
ປາບປາມນັກຮົບກຸ່ມນີ້ໃຫ້ສິ້ນຊາກ, ທັງນີ້ ຫຼັງຈາກກຸ່ມ IS ໄດ້ເຜີຍແຜ່ຄຣິບວີດີໂອການຂ້າຕັດຄໍຜູ້ສື່ຂ່າວຊາວອາເມ
ຣິກັນລາຍທີ 2 ພ້ອມກັບຍັງຂູ່ຊ້ຳອີກວ່າ ຖ້າວໍຊິງຕັນຍັງບໍ່ຢຸດຕິການໂຈມຕີທາງອາກາດຕໍ່ກຸ່ມຂອງຕົນໃນອີຣັກ ກໍຈະ
ດຳເນີນການຂ້າຕັດຄໍພົນລະເມືອງອັງກິດເປັນລາຍຕໍ່ໄປ.
ໂດຍຜູ້ນຳສະຫະລັດ ໄດ້ຖະແຫຼງລະຫວ່າງເດືອນທາງຢ້ຽມຢາມເອີລົບ ເພື່ອກຽມຕົວເຂົ້າຮ່ວມກອງປະຊຸມສຸດຍອດນາ
ໂຕ້ວ່າ ສະຫະລັດຈະເດີນໜ້າຕໍ່ສູ້ກັບການຄຸກຄາມ ແລະ ວິໄສທັດອັນປ່າເຖື່ອນຂອງກຸ່ມ IS ທີ່ແຍກໂຕອອກມາຈາກ
ກຸ່ມອັນກໍອິດະ ແລະ ປັດຈຸບັນໄດ້ຍຶດຄອງອານາບໍລິເວນກ້ວາງຂວາງໃນອີຣັກ ແລະ ຊີເຣຍ ໂດຍໄດ້ຕອກຢ້ຳອີກວ່າ
” ເປົ້າໝາຍຂອງເຮົາຄື ເຮັດໃຫ້ແນ່ໃຈວ່າ IS ຈະບໍ່ເປັນໄພຄຸກຄາມຕາເວັນອອກກາງອີກຕໍ່ໄປ “