ສຳນັກຂ່າວຕ່າງປະເທດລາຍງານ ໃນວັນທີ 4 ກັນຍານີ້ວ່າ ລັດຖະບານອູແກຣນໄດ້ບັນລຸຂໍ້ຕົກລົງຢຸດຍິງຢ່າງຖາວອນ
ກັບກຸ່ມແບ່ງແຍກດິນແດນແລ້ວ ໂດຍອ້າງລາຍງານຈາກ ການຖະແຫຼງຂອງທຳນຽບປະທານາທິບໍດີ ເປໂຕຣ ໂປໂຣ
ເຊນໂກ ຜູ້ນຳຂອງອູແກຣນທີ່ໄດ້ລະບຸວ່າ ອູແກຣນບັນລຸຂໍ້ຕົກລົງຢຸດຍິງຖາວອນກັບກຸ່ມແບ່ງແຍກດິນແດນໃນເຂດ
ດອນບາສ ເຊິ່ງລວມເຖິງແຂວງໂດເນດ ແລະ ລູຮານ ທີ່ຢູ່ທາງພາກຕາເວັນອອກຂອງປະເທດແລ້ວ ຫຼັງຈາກທີ່ທ່ານ
ໂປໂຣເຊນໂກ ໄດ້ໂທລະສັບຫາລືກັນກັບ ປະທານາທິບໍດີປູຕິນ ຂອງຣັດເຊຍ ແລະ ບັນລຸຄວາມເຂົ້າໃຈຮ່ວມກັນກ່ຽວ
ກັບຂັ້ນຕອນຕ່າງໆ ທີ່ຈະນຳໄປສູ່ການສ້າງສັນຕິພາບ, ດ້ານທຳນຽບແກຣມແລັງຂອງຣັດເຊຍ (ທຳນຽບປະທານາທິ
ບໍດີ) ກໍໄດ້ລະບຸໃນຖະແຫຼງການຂອງຕົນວ່າ ການໂທລະສັບຫາລືກັນ ລະຫວ່າງຜູ້ນຳຂອງທັງສອງ ມີການສະແດງ
ຄວາມເຫັນທີ່ມີຄວາມສຳຄັນພ້ອມກັນ ກ່ຽວກັບແນວທາງທີ່ເປັນໄປໄດ້ ໃນການຢຸດຕິວິກິດການຕ່າງໆ ໃນຂະນະທີ່
ທ່ານ ດິມິດຕຣີ ເພສຄັອບ ໂຄສົກຂອງປູຕິນ ກໍໄດ້ລະບຸວ່າ ທ່ານ ປູຕິນ ແລະ ທ່ານ ໂປໂຣເຊນໂກ ໄດ້ຫາລືກັນກ່ຽວ
ກັບຂັ້ນຕອນຕ່າງໆ ທີ່ມີຄວາມຄິດເຫັນສ່ວນໃຫຍ່ສອດຄ່ອງກັນ ທີ່ຈະນຳໄປສູ່ການຢຸດຍິງ ລະຫວ່າງກຸ່ມແບ່ງແຍກ
ດິນແດນ ແລະ ກອງກຳລັງທາງທະຫານຂອງອູແກຣນ ລວມເຖິງສັນຕິພາບທາງພາກຕາເວັນອອກຂອງອູແກຣນ
ຫຼັງຈາກທີ່ວິກິດການໄດ້ດຳເນີນມາດົນເຖິງ 6 ເດືອນແລ້ວ, ແຕ່ກໍບໍ່ໄດ້ມີການຕົກລົງກັນເລື່ອງການຢຸດຍິງຖາວອນ
ເນື່ອງຈາກຣັດເຊຍບໍ່ແມ່ນຄູ່ກໍລະນີໃນຂໍ້ຂັດແຍ່ງດັ່ງກ່າວ.