ການຫລຸດນ້ຳໜັກ ບໍ່ແມ່ນວ່າ ຈະພຽງແຕ່ ງົດເຂົ້າ ງົດແປ້ງ ງົດໄຂມັນ ແລ້ວຈະເຮັດໃຫ້ນ້ຳໜັກລົງ ແລະ ຈ່ອຍລົງແທ້ ໆແລ້ວກະບວນການໃນການ ຫລຸດນ້ຳໜັກ ມັນມີຫຍັງຫລາຍກວ່ານັ້ນ
ທີ່ຈິງແລ້ວ ການ ຫລຸດນ້ຳໜັກ ທີ່ໄດ້ຜົນແທ້ໆນັ້ນ ຈະຕ້ອງປະຕິບັດຢ່າງຖືກວິທີ ຊຶ່ງມີຫລາຍຄົົນທີ່ສົງໄສວ່າ ຫລຸດອາຫານກະແລ້ວ ອອກກຳລັງກາຍກະແລ້ວ ເປັນຫຍັງນ້ຳໜັກເຖິງບໍ່ຫລຸດ
ຊຶ່ງ ລິນດາ ບລາເຈດກີ ນັກໂພສະນາການ ທີ່ມະຫາວິທະຍາໄລໂອເລກອນ ແລະ ເອບບີ ນັກໂພດນາການຈາກສູນການແພດ ມະຫາວິທະຍາໄລໃນ ລັດ ອາລິໂຊນາ ຂອງສະຫະລັດອະເມລິກາ ໄດ້ສຶກສາຂໍ້ມູນ ແລະ ສະຫລຸບເຖິງຂໍ້ປະຕິບັດທີ່ຜິດພາດ 10ຂໍ້ສຳລັບການຮັບປະທານອາຫານ ສຳລັບຜູ້ທີ່ຕ້ອງການ ຫລຸດນ້ຳໜັກ
- ເລືອກກິນແຕ່ອາຫານທີ່ມັກ
ການເລືອກກິນ ແຕ່ທີ່ມັກໂດຍບໍ່ລະມັດລະວັງ ຈະເຮັດໃຫ້ ຮັບປະທານອາຫານນັ້ນ ຕໍ່ໄປໄດ້ເລື່ອຍ ຈົນລືມວ່າເຮົາຕ້ອງການ ຫລຸດນ້ຳໜັກ
- ບໍ່ມີຈຸດຢືນ ຫລື ເປົ້າໝາຍທີ່ຊັດເຈນ
ຫາກຢາກ ຫລຸດນ້ຳໜັກ ດ້ວຍການຄວບຄຸມອາຫານ ກໍຄວນຕັ້ງເປົ້າໝາຍໄວ້ ເຊັ່ນ ຂຽນໄວ້ໃນປຶ້ມບັນທຶກວ່າ ຈະ ຫລຸດນ້ຳໜັກ ລົງເທົ່າໃດ ຢ່າງໃດ ແລະ ກະທຳຕາມນັ້ນ ແຕ່ເປົ້າໝາຍດັ່ງກ່າວ ຕ້ອງເປັນເປົ້າໝາຍທີ່ເຮົາເຮັດໄດ້
- ອົດອາຫານຫລາຍເກີນໄປ
ຫາກຕັ້ງໃຈເຂັ້ມງວດໃນການຄວບຄຸມ ແຄລໍລີ ໃນຮ່າງກາຍຫລາຍເກີນໄປ ກໍຈະຍິ່ງເປັນການກະຕຸ້ນ ໃຫ້ຮ່າງກາຍເກີດຄວາມຫິວ ແລະ ຢາກອາຫານຫລາຍຂຶ້ນ ຊຶ່ງອາດຈະເຮັດໃຫ້ການ ຫລຸດນ້ຳໜັກ ບໍ່ໄດ້ຜົນ
- ດື່ມເຄື່ອງດື່ມທີ່ມີ ແຄລໍລີ ສູງ
ການດື່ມວາຍແດງ ຮ່ວມກັບການຮັບປະທານອາຫານຄ່ຳ ການດື່ມນົມຂາດໄຂມັນ ຫລື ນ້ຳຫມາກໄມ້ລະຫວ່າງມື້ ກໍໃຫ້ ແຄລໍລີສູງ ຊຶ່ງຈະມີຜົນກະທົບຕໍ່ການ ຫລຸດນ້ຳໜັກ ດັ່ງນັ້ນ ຜູ້ທີ່ ຫລຸດນ້ຳໜັກ ຈຶ່ງຄວນດື່ມນ້ຳລ້າໆດີກວ່າ ຫລື ອາດຈະເປັນນ້ຳໝາກນາວ ກໍໄດ້
- ບໍ່ຍອມອອກກຳລັງກາຍ
ຜູ້ທີ່ຕ້ອງການ ຫລຸດນ້ຳໜັກ ຈະຕ້ອງຈື່ໄວ້ວ່າ ສິ່ງສຳຄັນໃນການ ຫລຸດນ້ຳໜັກ ໃຫ້ໄດ້ຜົນ ຄື ຕ້ອງເພີ່ມຈຳນວນ ແຄລໍລີ ທີ່ໃຊ້ໃນຮ່າງກາຍ ຊຶ່ງການບໍລິຫານຮ່າງກາຍ ຈະມີສ່ວນຊ່ວຍໃຫ້ເກີດການໃຊ້ແຄລໍລີຫລາຍຂຶ້ນ
- ໃຫ້ລາງວັນກັບຕົນເອງດ້ວຍອາຫານ
ບາງຄົນລືມໂຕໄປວ່າ ກຳລັງຄວບຄຸມອາຫານ ພໍເຫັນວ່າ ແຜນ ຫລຸດນ້ຳໜັກ ເລີ່ມໄດ້ຜົນ ກໍເລີ່ມຮັບປະທານອາຫານຫລາຍຂຶ້ນ ນັກວິໄຈບອກວ່າ ໜ້າຈະໃຫ້ລາງວັນ ໂດຍການຫລຸດອາຫານເປັນການໃຫ້ລາງວັນດ້ວຍການກິນອາຫານເພີ່ມ
- ຄວາມເຄັ່ງຄຽດ
ເປັນອຸປະສັກສຳຄັນຂອງການ ຫລຸດນ້ຳໜັກ ບາງຄົນຫລຸດບໍ່ໄດ້ຕາມເປົ້າໝາຍທີ່ຕັ້ງໄວ້ ແລະ ເຄັ່ງຄຽດ ອາດກັບມາຮັບປະທານອາຫານຫລາຍຂຶ້ນ
8. ການປ່ຽນແປງຕົນເອງຫລາຍເກີນໄປ
ເຫດຜົນອີກປະການໜຶ່ງ ທີ່ເຮັດໃຫ້ການ ຫລຸດນ້ຳໜັກ ບໍ່ໄດ້ຜົນ ຄືການປ່ຽນແປງທຸກສິ່ງທຸກສິ່ງທຸກຢ່າງ ຫລາຍເກີນໄປໃນເວລາດຽວກັນ ເຊັ່ນ ເປັນຄົນມັກຮັບປະທານຊີ້ນສັດຫລາຍໆ ແຕ່ຫັນມາປ່ຽນເປັນກິນຜັກໝາກໄມ້ໃນເວລາອັນສັ້ນ
9. ບໍ່ຍອມປ່ຽນຄວາມຄິດໃຫ່ມ
ຄວນຄິດຢູ່ສະເໝີວ່າ ການ ຫລຸດນ້ຳໜັກ ເພື່ອເຮັດໃຫ້ສຸຂະພາບດີ ເຮັດໃຫ້ເຮົາຢາກປ່ຽນພຶດຕິກຳຕົນເອງ
10. ເຮັດຕົວແບບເກົ່າ
ບາງຄົນບໍ່ຍອມປ່ຽນແປງອາຫານການກິນ ຫລື ປ່ຽນແປງການເຮັດກິດຈະກຳ ຖ້າປ່ຽນແປງແປງອາຫານການກິນ ການເຮັດກິດຈະກຳ ແລະ ການດຳເນີນຊີວິດເບິ່ງນຳ ກໍຈະສາມາດປິ່ນປົວຮູບຮ່າງ ແລະ ສຸຂະພາບຂອງຕົນເອງໄວ້ໄດ້