ໃນປີ 2017 ນີ້, ເຈົ້າຫນ້າທີ່ກົມຕໍາຫຼວດສະກັດກັ້ນແລະຕ້ານຢາເສບຕິດກົມໃຫຍ່ຕໍາຫຼວດກະຊວງປກສແລະບັນດາພະແນກຕໍາຫຼວດວິຊາສະເພາະໃນຂອບເຂດທົ່ວປະເທດສາມາດມ້າງຄະດີຢາເສບຕິດໄດ້ເກືອບ 3.000 ເລື່ອງ ທຽບໃສ່ປີ 2016 ເພີ່ມຂຶ້ນເກືອບ 300 ເລື່ອງ, ພ້ອມທັງກັກຕົວຜູ້ຖືກຫາໄດ້ເປັນຈໍານວນຫຼາຍແລະຢຶດຂອງກາງໄດ້ຫຼາຍລາຍການ
ພັອ ຄໍາແພງໄຊຍະລາດຫົວຫນ້າກົມຕໍາຫຼວດສະກັດກັ້ນແລະຕ້ານຢາເສບຕິດໄດ້ຖະແຫຼງຂ່າວຕໍ່ສື່ມວນຊົນປກສໃນວັນທີ 30 ພະຈິກ 2017 ຜ່ານມາວ່າ: ປັດຈຸບັນ, ພວກກຸ່ມຄົນບໍ່ດີໄດ້ເຄື່ອນໄຫວລັກລອບນໍາເຂົ້າແລະສົ່ງອອກຢາເສບຕິດປະເພດຕ່າງໆເຊັ່ນ: ຢາບ້າ, ເຮໂຣອິນ, ຢາຝິ່ນ, ຄັນຊາ, ໃບແຄັດແລະສານເຄມີຈໍານວນຫນຶ່ງໂດຍໃຊ້ປະເທດລາວເປັນເສັ້ນທາງຜ່ານໄປປະເທດທີສາມ; ດັ່ງນັ້ນ, ການນໍາພັກ – ລັດກໍຄືການນໍາກະຊວງໄດ້ລົງຊີ້ນໍາຢ່າງເນື່ອງນິດລຽນຕິດໃນການນໍາພາມ້າງກຸ່ມຫຼືເຄືອຂ່າຍຄ້າຂາຍຢາເສບຕິດ; ຜ່ານການປະຕິບັດຫນ້າທີ່ຂອງກໍາລັງວິຊາສະເພາະກົມຕໍາຫຼວດສະກັດກັ້ນແລະຕ້ານຢາເສບຕິດແລະພະແນກຕໍາຫຼວດສະກັດກັ້ນແລະຕ້ານຢາເສບຕິດບັນດາປກສແຂວງໃນຂອບເຂດທົ່ວປະເທດໃນປີ 2017 ນີ້ສາມາດມ້າງຄະດີຢາເສບຕິດໄດ້ທັງຫມົດ 2.770 ເລື່ອງ, ຈັບຜູ້ຖືກໄດ້ທັງຫມົດ 2.441 ຄົນຍິງ 526 ຄົນ, ຕ່າງປະເທດ 100 ຄົນຍິງ 18 ຄົນ, ຢຶດຂອງກາງຢາເສບຕິດປະເພດຕ່າງໆໄດ້ຄື: ເຮໂຣອິນ 162,3 ກິໂລກຼາມ, ຢາບ້າ 1.203,01 ກິໂລກຼາມ, ຢາຝິ່ນ 273,12 ກິໂລກຼາມ, ຄັ ຊາ 4.847,5 ກິໂລກຼາມ, ຢາໄອສ໌ 60,04 ກິໂລກຼາມ, ຄາເຟອິນ 1.875 ກິໂລກຼາມ, ແກ່ນຝິ່ນ 212,7 ກິໂລກຼາມແລະແປ້ງຝຸ່ນສານເຄມີເພື່ອປະສົມຢາເສບຕິດຈໍານວນຫນຶ່ງ; ນອກນີ້, ຍັງສາມາດມາດຢຶດເສິກເປັນຫຼາຍຫຼາຍຫຼາຍ; ທຽບໃສ່ປີ 2016 ຜ່ານມາ, ການມ້າງຄະດີຢາເສບຕິດແມ່ນເພີ່ມຂຶ້ນ 262 ເລື່ອງແລະຜູ້ຖືກຫາກໍເພີ່ມຂຶ້ນ 501 ຄົນ
ແຫລ່ງຂ່າວ: ໜັງສືພິມ ປ້ອງກັນຄວາມສະຫງົບ