ສຳນັກຂ່າວຕ່າງປະເທດລາຍງານ ໃນວັນທີ 3 ກັນຍານີ້ວ່າ ກຸ່ມຕິດອາວຸດມຸດສະລິມ IS ຫຼື ທີ່ເຄີຍຮູ້ຈັກໃນຊື່ກຸ່ມ ISIS

ໃນເມື່ອກ່ອນ ໄດ້ເຜີຍແຜ່ຄຣິບວີດີໂອ ການຂ້າຕັດຄໍ ທ້າວ ສະຕີເວັນ ຊໍຕລອບ ນັກຂ່າວຊາວອາເມຣິກັນຄົນທີ 2 ໂດຍ

ໄດ້ໃສ່ຊື່ຄຣິບວ່າ ” ຂໍ້ຄວາມທີ 2 ເຖິງອາເມຣິກາ ” (A second message to America) ນອກຈາກນັ້ນ ໃນຄຣິບຍັງໄດ້ຂູ່

ຂ້າຕັດຄໍຊາວອັງກິດຊື່ ເດວິດ ໄຮສ໌ ທີ່ພວກເຂົາຈັບໂຕໄວ້ອີກດ້ວຍ.

ທ້າວ ສະຕີເວັນ ຊໍຕລອບ ໄດ້ເວົ້າຕໍ່ໜ້າກ້ອງວີດີໂອ ກ່ອນທີ່ເຂົາຈະຖືກສັງຫານຢ່າງໂຫດຫ້ຽມວ່າ ເຂົາກຳລັງຊົດໃຊ້ສຳ

ລັບການຮຸກຮານຂອງສະຫະລັດ ກ່ອນທີ່ສະມາຊິກຂອງກຸ່ມ IS ທີ່ສວມໜ້າກາກຢືນຢູ່ທາງຂ້າງຂອງ ທ້າວ ຊໍຕລອບ

ຈະຝາກຄຳເວົ້າເຖິງ ປະທານາທິບໍດີ ບາຣັກ ໂອບາມາ ແຫ່ງສະຫະລັດອາເມຣິກາວ່າ ” ເຊັ່ນດຽວກັນກັບລູກຈະຫຼວດ

ຂອງທ່ານທີ່ໂຈມຕີປະຊາຊົນຂອງເຮົາຢ່າງຕໍ່ເນື່ອງ ມີດຂອງເຮົາຈະຈູ່ໂຈມທີ່ຄໍຂອງປະຊາຊົນຂອງທ່ານຕໍ່ໄປເຊັ່ນດຽວ

ກັນ ” ທັງນີ້ ໜ່ວຍງານການຂ່າວຂອງສະຫະລັດ ກຳລັງດຳເນີນການກວດສອບ ເພື່ອຢືນຢັນຄວາມຖືກຕ້ອງຂອງຄຣິບ

ວີດີໂອດັ່ງກ່າວນີ້.

ໃນຂະນະທີ່ ທາງ ເບີນາເດດ ມີຮານ ຮອງໂຄສົກສະພາຄວາມໝັ້ນຄົງສະຫະລັດ ໄດ້ອອກມາກ່າວວ່າ ຫາກຄຣິບວີດີໂອນີ້

ເປັນຂອງແທ້ ນາງກໍຂໍສະແດງຄວາມເສຍໃຈຢ່າງສຸດຊຶ້ງ ຕໍ່ຄອບຄົວ ແລະ ໝູ່ເພື່ອນຂອງ ທ້າວ ຊໍຕລອບ ດ້ວຍ, ທັງນີ້

ທ້າວ ຊໍຕລອບ ໄດ້ຫາຍໂຕໄປໃນຂະນະລາຍງານຂ່າວໃນຊີເຣຍ ເມື່ອປີ 2013 ແລະ ຕໍ່ມາໄດ້ມາປະກົດໂຕຢູ່ໃນຄຣິບການ

ຂ້າຕັດຄໍ ທ້າວ ເຈມສ໌ ໂຟລີ ນັກຂ່າວຊາວອາເມຣິກັນຜູ້ທຳອິດ ທີ່ຖືກກຸ່ມ IS ສັງຫານໂທດ ເຊິ່ງຖືກເຜີຍແຜ່ເມື່ອເດືອນ

ກ່ອນ ໂດຍໃນຄຣິບຄັ້ງນັ້ນ ກຸ່ມ IS ໄດ້ເຕືອນວ່າ ” ຊະຕາກຳຂອງ ທ້າວ ຊໍຕລອບ ຂຶ້ນຢູ່ກັບສິ່ງຕໍ່ໄປທີ່ຜູ້ນຳສະຫະລັດຈະ

ກະທຳໃນອີຣັກ ” ຈົນນຳມາເຊິ່ງການເຜີຍແຜ່ຄຣິບການສັງຫານໂຕເຂົາໃນເທື່ອນີ້.