ນັກຂ່າວລາຍງານມື້ວານນີ້ວ່າ ໄດ້ເກີດເຫດລົດບັນທຸກ 3 ຄັນຫຼີກກັນບໍ່ຫວິດ ພາໃຫ້ບຽດກັນຢູ່ກາງເສັ້ນທາງ ເຮັດໃຫ້ຄາກັນຢູ່ອ່າງຫຍ່າງ ເພື່ອນຮ່ວມທາງຄັນອື່ນບໍ່ສາມາດແລ່ນຜ່ານໄປໄດ້ ເປັນເວລາດົນພໍສົມຄວນ.
ລາຍງານຈາກທ້ອງຖິ່ນບອກວ່າ ລົດທັງສາມຄັນນັ້ນກຳລັງແລ່ນຢູ່ເສັ້ນທາງ ປາກຊັນ-ທ່າສີ ໃນເຂດບ້ານຜາເມືອງ ເມືອງບໍລິຄັນ ແຂວງບໍລິຄຳໄຊ ມາຮອດຈຸດເກີດເຫດລົດທັງສາມຄັນບັງເອີນຕ່າງຝ່າຍກໍມາພົບກັນ ລົດສອງຄັນທີ່ແລ່ນສວນທາງກັນໄດ້ພະຍາຍາມຫຼີກອອກສອງຂ້າງທາງ ແຕ່ບໍ່ເວັ້ນທີ່ລົດບັນທຸກອີກຄັນແລ່ນແຊງເຂົ້າມາສຽບເຄິ່ງກາງ ແຕ່ບໍ່ໂຫຼມກະເລີຍຄາກັນຢູ່ອ່າງຫຍ່າງຄືທີ່ເຫັນ.
ເຫດການດັ່ງກ່າວເກີດຂຶ້ນເມື່ອວັນທີ 16 ພະຈິກ 2017 ທີ່ຜ່ານມາ, ສາເຫດຢ່າງເປັນທາງການຍັງບໍ່ລາຍງານ ແຕ່ວ່າຍັງໂຊກດີທີ່ບໍ່ເກີດເຫດຮ້າຍແຮງແລະບໍ່ມີຜູ້ບາດເຈັບແຕ່ຢ່າງໃດ ນອກຈາກຄວາມເສຍຫາຍທີ່ເກີດຂຶ້ນກັບລົດຫຼາຍພໍສົມຄວນ. ແຕ່ກໍໄດ້ກາຍເປັນເຫດການທີ່ໜ້າອາຍເຖິງພຶດຕິກຳຂອງນັກຂັບຂີ່ ທີ່ບໍ່ມີມາລະຍາດ ແລະເຫັນແກ່ໂຕທີ່ສຸດ.
