ໃຫ້ຄະແນນເຊຍນ້ອງນຸ້ຍ ຄລິກລີ້ງນີ້: https://missuniverse.votenow.tv/
ມື້ວານນີ້ ວັນທີ 20 ພະຈິກ 2017 ຢູ່ປະເທດໄທ ມີກະແສດຣາມ່າເລື່ອງຊຸດລອຍກະທົງຂອງ ນ້ອງນຸ້ຍ ສຸພາພອນ ສົມວິຈິດ ເທິງເວທີ ມິດຢູນິເວີດ 2017 ທີ່ Planet Hollywood Casino Mezzanine ລາດສະເວກັດ ລັດເນວາດາ ປະເທດສະຫະລັດ. ປາກກົດວ່າມີແຟນນາງງາມປະເທດເພື່ອນບ້ານບາງຄົນທັກທ້ວງວ່າ ເປັນຫຍັງສາວລາວຕ້ອງນຸ່ງຊຸດລອຍກະທົງ? ລອຍກະທົງເປັນປະເພນີໄທບໍ່ແມ່ນຫວາ?
ກະແສດຣາມ່າຝັ່ງໄທແຕກເປັນສອງຝ່າຍ ລະຫວ່າງຝ່າຍຄິດວ່າລອຍກະທົງເປັນປະເພນີໄທ ແລະອີກຝ່າຍໜຶ່ງບອກວ່າເປັນປະເພນີຮ່ວມກັນຂອງຄົນໃນລຸ່ມແມ່ນໍ້າຂອງ ເຊັ່ນກັນກັບແຄນ ຫຼືຕຳໝາກຫຸ່ງ.
ຂ່າວສົດ ຍົກເອົາຄຳເຫັນຂອງທ່ານ ອາຈານ ສິຣິພົດ ເຫຼົ່າມານະຈະເລີນ ຜູ້ຊ່ຽວຊານດ້ານປະຫວັດສາດແລະບູຮານຄະດີ ເຄີຍເປີດເຜີຍກ່ຽວກັບຮູບແກະສະຫຼັກນູນຕໍ່າໃນຜາສາດຫີນບາຍົນ ນະຄອນທົມ ປະເທດກຳປູເຈຍ ທີ່ອາດຈະບອກເລົ່າເລື່ອງລາວການລອຍກະທົງ ເຊິ່ງມີອາຍຸເກົ່າແກ່ກວ່າສະໄໝສຸໂຂໄທ ຮູບດັ່ງກ່າວເປັນຫຼັກຖານທີ່ສາມາດຢືນຢັນວ່າເກົ່າແກ່ທີ່ສຸດໃນອາຊີຕາເວັນອອກສ່ຽງໃຕ້ ທີ່ບັນທຶກເຖິງປະເພນີການລອຍກະທົງໃນພູມິພາກນີ້.
ເລື່ອງເລົ່າເຊົ້ານີ້ຂອງຊ່ອງສາມ ກໍບໍ່ຍອມທີ່ຈະປ່ອຍໃຫ້ຂ່າວນີ້ຜ່ານໄປໄດ້ ຈົນຕ້ອງຈັບເອົາມາເລົ່າ: