spot_img
Homeຂ່າວພາຍ​ໃນຈະແຂ່ງຂັນເຕະບານນັດພິເສດທີມລາວ ພົບ ທີມບຣາຊິນ!

ຈະແຂ່ງຂັນເຕະບານນັດພິເສດທີມລາວ ພົບ ທີມບຣາຊິນ!

Published on

 

ສະຫະພັນບານເຕະແຫ່ງຊາດລາວ ຈັດພິທີຖະແຫຼງຂ່າວການແຂ່ງຂັນບານເຕະນັດພິເສດ ລະຫວ່າງທິມຊາດ

ລາວ ແລະ ທິມເພຼແຟບຣາຊິນ (Play Fair Brazil) ໃນວັນທີ 28 ສິງຫາຜ່ານມາ ທີ່ໂຮງແຮມລັດສະໝີ, ນະຄອນ

ຫຼວງວຽງຈັນ ໂດຍການເຂົ້າຮ່ວມຂອງ ທ່ານ ດຣ. ໄຊບັນດິດ ຣາຊພົນ ເລຂາຄະນະພັກ ສະຫະພັນບານເຕະແຫ່ງ

ຊາດລາວ; ທ່ານ ພັນທະຈິດ ອິນທິລາດ ປະທານສະໂມສອນລ້ານຊ້າງອິນທຣາ ພ້ອມດ້ວຍບັນດາແຂກຖືກເຊີນ

ແລະ ສື່ມວນຊົນເຂົ້າຮ່ວມ.

 

ທ່ານ ດຣ. ໄຊບັນດິດ ຣາຊພົນ ຖະແຫຼງຕໍ່ສື່ວ່າ: ໃນການຈັດງານແຂ່ງຂັນຄັ້ງນີ້ ກໍເພື່ອເປັນການແລກປ່ຽນປະສົບ

ການກິລາບານເຕະກັບທິມບານເຕະລະດັບໂລກ ແລະ ລະດັບສະໂມສອນຈາກຊາດອື່ນໆ, ເປັນການຊອກຄົ້ນຫາ

ເຕັກນິກ ແລະ ປະສົບການອັນໃໝ່ ແລະ ອັນໂດດເດັ່ນຂອງໂລກ.

 

ເປົ້າໝາຍຂອງພວກເຮົາກໍແມ່ນເພື່ອມິດຕະພາບ ແລະ ການຮ່ວມມືກັນ, ເພື່ອດຶງດູດການສົນໃຈຂອງບັນດາໄວ

ໜຸ່ມ ເປັນການປຸກລະດົມສ້າງສີສັນກິລາບານເຕະລາວ ເພາະວ່າຢູ່ປະເທດບຣາຊິນ ມີນັກກິລາບານເຕະທີ່ດີທີ່ສຸດ

ໃນໂລກ. ທິມບານເຕະ ເພຼແຟ ບຣາຊິນ ປະກອບດ້ວຍນັກເຕະອາຊີບ ທັງອະດີດ ແລະ ປະຈຸບັນ, ນັກເຕະບາງຄົນ

ເປັນທັງນັກເຕະທິມຊາດບຣາຊິນ ແລະ ຟີຟາ ເວີນຄຼັບ(FIFA World Club), ໃນນັ້ນເກືອບໝົດທຸກຄົນເປັນນັກ

ເຕະທີ່ມີປະສົບການສູງ.

 

ທ່ານກ່າວຕື່ມວ່າ: ການແຂ່ງຂັນແມ່ນຈະຈັດຂຶ້ນໃນວັນ ທີ 13 ກັນຍາທີ່ຈະມາເຖິງນີ້ ທີ່ເດີ່ນກິລາເຈົ້າອານຸວົງ, ເວລາ

17:00 ໂມງ, ສ່ວນປີ້ເຂົ້າຊົມແມ່ນຂາຍໃນລາຄາ 80.000 ກີບ ຊຶ່ງມີຈຳໜ່າຍທີ່ຮ້ານ ທຣູ ຄອັຟຟີ ທັງສອງສາຂາ

ແລະ ຈະເລີ່ມຈຳໜ່າຍແຕ່ວັນທີ 3 ກັນຍາເປັນຕົ້ນໄປ. ພິເສດ ຖ້າຫາກຊື້ປີ້ເຂົ້າຊົມຈຳນວນ 50 ບັດຮັບທັນທີສ່ວນ

ຫຼຸຸດ 10%, ສ່ວນວັນທີ 14 ກັນຍາແມ່ນ ທິມຊາດບຣາຊິນຈະພົບກັບທິມສະໂມສອນລ້ານຊ້າງອິນທຣາທີ່ສະໂມສອນ

ລ້ານຊ້າງ ບ້ານໜອງໄຮ ເຂົ້າຊົມໂດຍບໍ່ເສຍຄ່າ.

 

ແຫຼ່ງຂ່າວ: ໜັງສືພິມປະຊາຊົນ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...