ເຫຼືອພຽງ 1 ມື້ເທົ່ານັ້ນກໍ່ຈະຮອດມື້ປະກວດຮອບຕັດສິນ Miss World 2017 ໃນວັນທີ 18 ພະຈິກ 2017 ທີ່ປະເທດຈີນ ແລະ ຈະມີການຖ່າຍທອດສົດໃນເວລາ 18:00 ໂມງ (ເວລາໃນຈີນ) ສ່ວນເວລາບ້ານເຮົາກໍ່ຈະປະມານ 17:00 ໂມງ
ເຖິງແມ່ນວ່າທາງເຟສບຸກກອງປະກວດ Miss World Laos ຈະງຽບເຫງົາບໍ່ຄຶກຄື້ນຄືກັບກອງປະກວດນາງງາມເວທີອື່ນໆ ແຕ່ທາງບັນເທີງລາວໂພສກໍ່ມີຂ່າວມານຳສະເໜີແຟນໆໃຫ້ໄດ້ຮັບຮູ້ໄປພ້ອມໆກັນ ເຊິ່ງແອັດມິນໄດ້ໄປຕິດຕາມຂ່າວການເຄືອນໄຫວທີ່ໄອຈີ ແລະ ນຳເອົາຊຸດປະຈຳຊາດລາວ ທີ່ຈະໃຊ້ໃນກອງປະກວດ Miss World 2017 ມາຝາກ ກໍ່ເປັນໄປຕາມຄາດ ທາງກອງປະກວດເອົາໃຈແຟນຊາວລາວສຸດໆກັນໄປເລີຍ ໂດຍເລືອກຊຸດປະຈຳຊາດທີ່ຈະໃຫ້ນາງ ຕົ້ນຄຳ ພົນຈັນເຮືອງ Miss World Laos ໃສ່ໃນຮອບ Dance of the world ຄືຊຸດ “ເມືອງຫຼວງພະບາງ” ຈາກຮ້ານພູນສຸກເວດດິ້ງຫຼວງພະບາງ
ຕອນນີ້ທາງກອງປະກວດ Miss World 2017 ໄດ້ມີການເປີດໃຫ້ແຟນຄລັບຂອງສາວງາມແຕ່ລະປະເທດຮ່ວມໂຫວດໃຫ້ນາງງາມຂອງປະເທດ ຕົນເອງ ໂດຍມີເງື່ນໄຂດັ່ງລຸ່ມນີ້:
- ຄລິກເຂົ້າໄປທີ່ເຟສບຸກເພຈ ຫຼື ເວັບໄຊຂອງກອງປະກວດ Miss World-www.missworld.com
- ເຂົ້າໄປກົດໂຫວດຄລິກເລີຍ: http://www.missworld.com/#/vote
- ເຂົ້າໄປສະແດງຄວາມຄິດເຫັນກ້ອງ VDO ວ່າ Laos ແລ້ວ ກົດ ແຊຣ VDO ຄລິກເລີຍ: https://m.facebook.com/story.php…
- ໄປຄອມເມັ້ນໃນວິດີໂອກຸ່ມ 10 ຕອນ 10 ພິມຄຳວ່າ Laos ງ່າຍໆພຽງເທົ່ານີ້ທ່ານກໍ່ສາມາດຊ່ວຍໄດ້ແລ້ວ
ທຸກຜົນໂຫວດຂອງທ່ານຈະຊ່ວຍໃຫ້ ຕົ້ນຄຳ ພົນຈັນເຮືອງ Miss World Laos ສາມາດຜ່ານເຂົ້າຮອບ 40 ຄົນສຸດທ້າຍແບບອັດຕະໂນມັດໄດ້. ຄົນລາວໂຫວດຊ່ວຍລາວ! ສູ້!ສູ້