ສຳນັກຂ່າວຕ່າງປະເທດລາຍງານເມື່ອວັນທີ 11 ພະຈິກ 2017 ສະຖາບັນສອນພາສາອັງກິດລະດັບໂລກເປີດເຜີຍລາຍງານດັດຊະນີທັກສະນະການໃຊ້ພາສາອັງກິດປະຈຳປີ 2017 ໂດຍສຳຫຼວດການໃຊ້ທັກສະພາສາອັງກິດຂອງປະຊາກອນໃນ 80 ປະເທດທີ່ບໍ່ໄດ້ໃຊ້ພາສາອັງກິດເປັນພາສາກາງ ແລະ ແບ່ງຜົນການຈັດອັນດັບອອກເປັນ 5 ປະເພດຄື: ກຸ່ມປະເທດທີ່ມີທັກສະການໃຊ້ພາສາອັງກິດໃນລະດັບສູງຫຼາຍ, ສູງ, ກາງ, ຕ່ຳ ແລະ ຕ່ຳຫຼາຍ

ປະເທດທີ່ໃຊ້ພາສາອັງກິດໄດ້ດີທີ່ສຸດໃນໂລກມີ: ໂຮນລັງ, ຊູແອດ, ດານມາກ, ນັອກແວ ແລະ ສິງກະໂປ ໂດຍປະເທດເຫຼົ່ານີ້ມີີລະບົບການສຶກສາທີ່ຄືກັນ ເພາະບັງຄັງໃຫ້ນັກຮຽນຕ້ອງຮຽນພາສາອັງກິດຕັ້ງແຕ່ປະຖົມ

ສ່ວນປະເທດທີ່ມີທັກສະພາສາອັງກິດສຸດທ້າຍໝູ່ມີ 5 ປະເທດຄື: ອານເຊີຣີ, ກຳປູເຈຍ, ລີບີ, ອິຣັກ ແລະ ລາວເປັນອັນດັບສຸດທ້າຍ

ໃນອາຊຽນປະເທດທີ່ມີທັກສະພາສາອັງກິດດີທີ່ສຸດແມ່ນ: ສິງກະໂປ ຢູ່ອັນດັບທີ 5, ມາເລເຊຍອັນດັບທີ 13, ຟິລິບປິນອັນດັບທີ 15, ຫວຽດນາມອັນດັບທີ 34, ອິນໂດເນເຊຍອັນດັບທີ 39, ໄທອັນດັບທີ 53, ກຳປູເຈຍອັນດັບທີ 77 ແລະ ລາວອັນດັບທີ 80

ສຳລັບພາບລວມລະດັບທະວີບອາຊີມີທັກສະພາສາອັງກິດດີທີ່ສຸດເປັນອັນດັບສອງຮອງຈາກທະວີບເອີຣົບ ຂະນະທີ່ຕະເວັນອອກກາງເປັນພູມິພາກທີ່ຢູ່ໃນລະດັບສຸດທ້າຍ.

ແຫລ່ງຂ່າວ: ອິດສະຫຼະ