ຫຼັງຈາກທີ່ທາງກອງປະກວດ Miss Universe Laos 2017 ໄດ້ປ່ອຍຮູບຊຸດປະຈຳຊາດລາວ ກັບ ຊຸດຣາຕີທີ່ຈະໃຊ້ໃນກອງປະກວດ Miss Universe 2017 ທີ່ປະເທດສະຫະລັດອາເມລິກາ ອອກມາໃຫ້ແຟນໆຊາວລາວທັງປະເທດໄດ້ຊົມກັນ ກໍ່ເກີດກະແສວິພາກວິຈານເລື່ອງຊຸດຂຶ້ນມາທັນທີ ແຟຄລັບສ່ວນຫຼາຍຕ່າງກໍ່ຮູ້ສຶກຜິດຫວັງບໍ່ສົມກັບທີ່ລໍຄອຍເບິ່ງ ຈົນເຮັດໃຫ້ທາງກອງປະກວດໄດ້ອອກມາອະທິບາຍກ່ຽວກັບເລື່ອງນີ້
“ໃນຖານະເຈົ້າຂອງໂຄງການ, ພວກເຮົາຮັບຮູ້ວ່າເປັນການຍາກ ທີ່ຈະອອກແບບມາໃຫ້ຖືກໃຈທຸກທ່ານທາງພາກລັດ, ສັງຄົມ, ຜູ້ອຸປະຖຳ ແລະ ອື່ນໆ. ອາດຈະບໍ່ຖືກໃຈທ່ານຫມົດຕາມທີ່ທ່ານມັກ ແລະ ຕ້ອງການ. ເຖິງຢ່າງໃດພວກເຮົາກໍ່ຂໍຂອບໃຈໃນຄຳເຫັນທີ່ຫລາກຫລາຍ ແລະ ຈະເອົາຄວາມຄິດເຫັນຂອງທ່ານເພື່ອໄປປັບປຸງໃນໂອກາດຫນ້າ. ຫວັງຢ່າງຍິ່ງວ່າ ບັນດາທ່ານຈະໃຫ້ຄຳເຫັນໃນທາງສ້າງສັນ ແລະ ດ້ວຍຄວາມມີມາລະຍາດອັນດີຂອງຄົນລາວ.
ຊຸດລາວຂອງ Miss Universe Laos 2017 ໂດຍໄດ້ຮັບແຮງບັນດານໃຈມາຈາກຊຸດລາວຫລວງພະບາງ ແລະ ໄດ້ດັດແປງປະຍຸກເພື່ອໃຫ້ມີເອກະລັກສະເພາະ, ແປກຕາ ແລະ ໂດດເດັ່ນໃນເວທີການປະກວດ”
ໂດຍຊຸດປະຈຳຊາດແມ່ນໄດ້ຮັບການສະໜັບສະໜູນຈາກພາກສ່ວນ: ນໍ້າເພັດ ຂາຍສົ່ງ-ຍ່ອຍ ປັກດິ້ງ ຫລວງພະບາງ
ອອກແບບປະຍຸກຊຸດໂດຍ: The Winner Academy
ທາງບັນເທີງລາວໂພສຂໍເປັນກຳລັງໃຈໃຫ້ທີມງານ ແລະ ນາງ ສຸພາພອນ ສົມວິຈິດ (ນຸ້ຍ) Miss Universe Laos 2017 ປะສົບຄວາມສຳເລັດໃນເວທີການປະກວດ Miss Universe 2017 ທີ່ສະຫະລັດອາເມລິກາ ແລະ ຖ້າຕອນນີ້ໃຜຍັງບໍ່ທັນໄດ້ສົ່ງແຮງໃຈໄປເຊຍລາວ ແມ່ນເຂົ້າໄປໄດ້ເລີຍທີ່ເຟສບຸກເພຈ ຫຼື ໄອຈີ Miss Universe 2017 ເລືອກກົດຖືກໃຈ ຫຼື ແຊຣທີ່ຮູບ ນຸ້ຍ ໜຶ່ງຄະແນນສຽງຂອງທ່ານຈະສາມາດຊ່ວຍໃຫ້ນຸ່ຍຜ່ານເຂົ້າໄປຮອບເລິກໆໄດ້
