ເຈົ້າໜ້າທີ່ພະແນກສືບສວນ – ສອບສວນ ນະຄອນຫລວງວຽງຈັນໃຫ້ຮູ້ວ່າ: ໄດ້ເກີດເຫດໄຟຟ້າຊ໋ອດຄົນເສຍຊີວິດ
ສອງກໍລະນີຄື ເວລາປະມານ 22:00 ໂມງຂອງວັນທີ 21 ສິງຫາ 2014 ໄດ້ເກີດໄຟຟ້າຊ໋ອດຄົນເສຍຊີວິດຢູ່ຄອງນ້ຳ
ເຂດບ້ານດອນກອຍ ເມືອງສີສັດຕະນາກ ນະຄອນຫລວງວຽງຈັນ, ຜູ້ຕາຍຊື່ ທ້າວ ສົນ ອາຍຸ 25 ປີເປັນກຳມະກອນ
ຍ້ອນເອົາສາຍໄຟຕໍ່ລົງໄປຊ໋ອດເອົາປາຢູ່ຄອງນ້ຳ ໃກ້ບ່ອນພັກກຳມະກອນຂອງຮ້ານຂາຍເຄື່ອງກໍ່ສ້າງແຫ່ງໜຶ່ງ
ໃນກໍລະນີນີ້ ເຈົ້າໜ້າທີ່ລະບຸວ່າ ເກີດຈາກຄວາມປະໝາດ ແລະ ການ ໃຊ້ໄຟຟ້າຊ໋ອດເອົາປາກໍເປັນການກະທຳທີ່
ຜິດຕໍ່ລະບຽບກົດໝາຍບ້ານເມືອງນຳອີກ ຈຶ່ງບໍ່ສາມາດດຳເນີນຄະດີໄດ້.
ອີກກໍລະນີໜຶ່ງແມ່ນເກີດຂຶ້ນເວລາປະມານ 18:00 ໂມງຂອງວັນ ທີ 23 ສິງຫາ 2014 ຢູ່ບ້ານ ໂນນຂີ້ເຫລັກ ເມືອງສີ
ໂຄດຕະບອງ ນະຄອນຫລວງວຽງຈັນ ເຊິ່ງຜູ້ເສຍຊີວິດຊື່ ທ້າວ ຊຽງແກ່ນ ອາຍຸ 45 ປີ ຢູ່ບ້ານດັ່ງກ່າວ, ຍ້ອນເຂົ້າໄປ
ຊ່ວຍເດັກນ້ອຍສອງຄົນຖືກໄຟຊ໋ອດຢູ່ຮົ້ວເຮືອນໃກ້ຄຽງຫລັງໜຶ່ງ ຈົນເຮັດໃຫ້ຕົນເສຍຊີວິດ ແລະ ເດັກນ້ອຍ ກໍໄດ້
ຮັບບາດເຈັບ, ສ່ວນເຈົ້າຂອງເຮືອນຕົ້ນເຫດຊື່ທ້າວໄຊພົງ ລັດອາຍຸ 44ປີ, ເຈົ້າໜ້າທີ່ໄດ້ຈັບຕົວມ ສຶບສວນ-ສອບ
ສວນ ໂດຍຮັບສາລະພາບວ່າ: ສາເຫດທີ່ຕົນຕິດຕັ້ງສາຍໄຟອ້ອມຮົ້ວເຮືອນນັ້ນ ແມ່ນວ່າ: ກ່ອນໜ້ານີ້, ໄດ້ມີຄົນ
ເຂົ້າມາລັກເອົາເປັດ, ໄກ່ທີ່ຕົນລ້ຽງຫລາຍຄັ້ງ ຈຶ່ງໄດ້ຕໍ່ໄຟເພື່ອປ້ອງກັນ ແລະ ບໍ່ຄິດວ່າຈະເກີດຄວາມສູນເສຍຮ້າຍ
ແຮງດັ່ງກ່າວ. ແນວໃດກໍຕາມ, ເຈົ້າໜ້າທີ່ໄດ້ກັກຕົວຜູ້ກ່ຽວໃນຂໍ້ຫາ ປ້ອງກັນເກີນກວ່າເຫດ ເຈດຕະນາໃຫ້ຜູ້ອື່ນ
ເສຍຊີວິດຈຶ່ງຕ້ອງດຳເນີນຄະດີຕາມລະບຽບກົດໝາຍ.
ແຫຼ່ງຂ່າວ: ລາວພັດທະນາ