ລູກນ້ອຍສະມັກນົມບໍ່ແມ່ນເລື່ອງທີ່ເບິ່ງຂ້າມ ເພາະມັນອາດເປັນອັນຕະລາຍໃຫ້ກັບລູກໄດ້ ເພາະການສະມັກນົມແມ່ນເກີດຈາກການຫາຍໃຈຜິດປົກກະຕິຂອງລູກ ເດັກນ້ອຍບາງຄົນຫາຍໃຈຕິດຂັດ ຫຼື ຫາຍໃຈບໍ່ທັນອາດເສຍຊີວິດໄດ້ ມື້ນີ້ໃນຄໍລຳ ແມ່ ແລະ ລູກ ເຮົາມາຮູ້ຈັກສາເຫດ ແລະ ວິທີປ້ອງກັນການສະມັກນົມຂອງລູກໄປພ້ອມໆກັນເລີຍ
- ບໍ່ຄວນໃຫ້ນົມລູກເວລາທີ່ລູກຮ້ອງໄຫ້ຢູ່ ເພາະມັນສ່ຽງເຮັດໃຫ້ລູກສະມັກນົມງ່າຍຂຶ້ນກວ່າເກົ່າ
- ເບິ່ງທີ່ຈຸກຫົວນົມບາງເທື່ອຮູໃຫຍ່ຈົນເກີນໄປກໍ່ເຮັດໃຫ້ນົມໄຫລອອກຫຼາຍລູກກືນນົມບໍ່ທັນກໍ່ເຮັດໃຫ້ສະມັກໄດ້
- ເມື່ອນ້ຳນົມແມ່ກຳລັງໄຫຼອອກຫຼາຍຈົນເກີນໄປແມ່ນໃຫ້ຄ່ອຍໆປ້ອນນົມລູກ ຄວນມີການພັກໃນບາງເວລາບໍ່ເລັ່ງໃຫ້ລູກດື່ມນົມ
- ບາງເທື່ອອາດເກີດວາມຜິດປົກກະຕິທາງອະໄວຍະວະທີ່ກ່ຽວຂ້ອງກັບການດູດກືນ ປອດ ແລະ ຫົວໃຈມີບັນຫາເປັນຕົ້ນ ທ່ານຄວນພາລູກໄປພົບແພດ ຫາເຫັນລູກມີອາການສະມັກນົມຢູ່ເປັນປະຈຳ ແລະ ບໍ່ມີທ່າທີວ່າຈະດີຂຶ້ນ
- ຫຼັງໃຫ້ນົມລູກແລ້ວຄວນໃຫ້ລູກນອນຕະແຄງ ຫຼື ພາດໃສ່ບ່າເຮົາ ເພື່ອບໍ່ໃຫ້ເກີດການໄຫລຍ້ອນກັບຂອງນ້ຳນົມອອກມາທາງຫຼອດອາຫານ ຈົນເປັນສາເຫດເຮັດໃຫ້ລູກສະມັກນົມໄດ້