ຕອນບ່າຍມື້ນີ້, ວັນທີ 29 ຕຸລາ 2017 ໜ່ວຍປ້ອງກັນຄວາມສະຫງົບຂອງໂຮງໝໍ 103 ສາມາດຈັບໂຕຜູ້ທີ່ເຂົ້າໄປລົດຈັກ ພາຍໃນບໍລິເວນໂຮງໝໍໄດ້.
ແຫຼ່ງຂ່າວລາຍງານວ່າ ໃນເວລາປະມານບ່າຍ 1 ໂມງ ຂອງມື້ນີ້, ໄດ້ມີຄົນຂີ້ລັກຜູ້ໜຶ່ງພະຍາຍາມຈະລັກລົດຈັກຄັນໜຶ່ງ ຢູ່ບໍລິເວນພະແນກຕຶກພະນັກງານ ແຕ່ໃນຂະນະທີ່ຜູ້ກ່ຽວກຳລັງໃຊ້ອຸປະກອນງັດແງະລົດຢູ່ນັ້ນ ບັງເອີນເຈົ້າຂອງລົດກັບມາເຫັນ. ເມື່ອເຫັນທ່າບໍ່ດີ ຄົນຮ້າຍກໍໄດ້ພະຍາຍາມແລ່ນໜີ ແຕ່ຖືກເຈົ້າໜ້າທີ່ພ້ອມກັນໄລ່ຈັບໄດ້ທັນຄວັນ.
ຄົ້ນໂຕຜູ້ກ່ຽວພົບບັດປະຈຳຕົວປະຊາຊົນ ແລະ ໃບອະນຸຍາດຂັບຂີ່ລົດ ອອກຊື່ ທ້າວ ສົມຊາຍ ອາໄສຢູ່ບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ. ເຊິ່ງເຈົ້າໜ້າທີ່ທີ່ກ່ຽວຂ້ອງ ກຳລັງສືບສວນສອບສວນ ແລະຈະສົ່ງດຳເນີນຄະດີຕາມລຳດັບຂອງກົດໝາຍ.
