ມົນທົນເຫີເປີ່ຍ ປະເທດຈີນ ໄດ້ມອບປະສົບການຕື່ນເຕັ້ນຫວາດສຽວ “ສຸດຂີດ” ແບບຫົວໃຈເກືອບຈະຢຸດເຕັ້ນແກ່ນັກທ່ອງທ່ຽວດ້ວຍເສັ້ນທາງຍ່າງລອຍຟ້າທີ່ພູ Taihang ຄວາມຍາວ 266 ແມັດ ສູງຈາກພື້ນດິນ 1,180 ແມັດ ພື້ນເປັນແວ່ນແກ້ວໃສທັງໝົດ ພິເສດໃນຊ່ວງກາງຂອງທາງຍ່າງເມື່ອເວລາຢຽບລົງໄປທີ່ແວ່ນແກ້ວຈະເກີດຮອຍແຕກຣ້າວ ແລະ ຍັງມີສຽງແກ້ວແຕກຂຶ້ນມາພ້ອມ ຖ້າບໍ່ຮູ້ມາກ່ອນຄົງຈະຕົກໃຈແບບສຸດໆໄປເລີຍ

ແຜ່ນແກ້ວທີ່ແຕກຫຼອກໆນີ້ເປັນຈໍສະແດງພາບໄຮເທັກທີ່ທຳງານດ້ວຍການເຊັນເຊີ້ຄວາມດັນ ເມື່ອມີຄົນຢຽບລົງໄປມັນຈະສະແດງພາບແວ່ນແກ້ວຣ້າວຂື້ນມາທັນທີ ພ້ອມທັງມີສຽງປະກອບໃຫ້ສົມຈິງ ທ່ານສາມາດເບິ່ງໃນວິດີໂອທາງລຸ່ມນີ້ ແລ້ວທ່ານຈະຮູ້ວ່າ ຫວາດສຽວຂະໜາດໃດ

https://youtu.be/KxPYXVjo5TE