ຂໍນ້ອມຄາຣະວະ ແລະ ໄວ້ອາໄລຢ່າງສຸດຊຶ້ງ ຕໍ່ການຈາກໄປຂອງ ພະອາຈານໃຫຍ່ ມະຫາເນືອງພິລັກ ໂຊຕິທອນ ວັດວຽງຈະເລີນ ເມືອງໄຊເຊດຖາ ນະຄອນຫລວງວຽງຈັນ.
ພະອາຈານ ເນືອງພິລັກ ໂຊຕິທອນ ເຈົ້າອະທິການວັດ ວິຈິດຕະທຳມາລາມ ບ້ານວຽງຈະເລີນ ນະຄອນຫຼວງວຽງຈັນ. ອະດີດຄະນະ ອພສ ສູນກາງ, ຄະນະອຳນວຍການແລະເປັນພະອາຈານສອນຢູ່ວິທະຍາໄລສົງອົງຕື້ ແລະສະມາຊິກສະມາຄົມນັກປະພັນລາວຜູ້ຫ້າວຫັນແລະມີຜົນງານການຂຽນຢ່າງຫຼວງຫຼາຍ ອອກຕາມໜ້າໜັງສືພິມຢູ່ເປັນປະຈຳ.
ພະອາຈານເນືອງພິລັກ ໂຊຕິທອນ ເປັນພະມະຫາເຖລະອົງສຳຄັນອົງໜຶ່ງຂອງລາວ ພະອາຈານເປັນນັກບວດ, ນັກຮຽນ, ນັກສັ່ງສອນ ແລະນັກພັດທະນາ ທີ່ຍາດໂຍມໃຫ້ຄວາມເຄົາລົບນັບຖືຢ່າງຫຼວງຫຼາຍ.
ພະອາຈານເນືອງພິລັກ ໂຊຕິທອນ ໄດ້ມໍລະນະພາບ ໃນຕອນເຊົ້າຂອງວັນທີ 15 ຕຸລາ 2017 ນີ້, ປັດຈຸບັນສະລີລະຂອງເພິ່ນໄດ້ຕັ້ງບຳເພນກຸສົນໄວ້ ທີ່ວັດວຽງຈະເລີນ ເມືອງໄຊເສດຖາ ນະຄອນຫຼວງວຽງຈັນ.
ສ່ວນວັນຊາປະນະກິດນັ້ນ ຈະແຈ້ງຕື່ມຕາມພາຍຫຼັງ.