spot_img
Homeຂ່າວທ້ອງຖິ່ນຈະລາຈອນເມືອງໄຊເສດຖາ ພ້ອມ 100% ປ້ອງກັນບຸນຊ່ວງເຮືອບຶງທາດຫຼວງ

ຈະລາຈອນເມືອງໄຊເສດຖາ ພ້ອມ 100% ປ້ອງກັນບຸນຊ່ວງເຮືອບຶງທາດຫຼວງ

Published on

ປັດຈຸບັນ, ກໍາລັງຕໍາຫຼວດຈະລາຈອນ ກອງບັນຊາການ ປກສ ເມືອງ ໄຊເສດຖາ ນະຄອນຫຼວງວຽງຈັນ ມີຄວາມພ້ອມ 100% ໃນການປະຕິບັດໜ້າທີ່ປ້ອງກັນງານບຸນຊ່ວງເຮືອບຶງທາດຫຼວງ ທີ່ຈະຈັດຂຶ້ນໃນລະຫວ່າງວັນທີ 17-23 ຕຸລາ 2017 ຢູທີ່ເຂດເສດຖະກິດສະເພາະບຶງທາດຫຼວງ ເປັນຄັ້ງທໍາອິດ ເພື່ອອໍານວຍຄວາມສະດວກ ແລະ ຮັບປະກັນໃຫ້ ບັນດາພໍ່ແມ່ປະຊາຊົນບັນດາເຜົ່າຢູ່ພາຍໃນປະເທດ ແລະ ຕ່າງປະເທດ ທີ່ເຂົ້າມາຮັບຊົມການແຂ່ງຂັນເຮືອຊ່ວງຢູ່ ຈຸດດັ່ງກ່າວມີຄວາມສະດວກສະບາຍ ແລະ ມີຄວາມສະຫງົບປອດໄພດີ.

ທ່າຈ ພັຕ ອໍາພອນ ຄໍາອຸ່ນທອນ ຫົວໜ້າກອງຮ້ອຍຈະລາຈອນ ເມືອງ ໄຊເສດຖາ ໃຫ້ສໍາພາດຕໍ່ນັກຂ່າວ ປກສ ໃນວັນທີ 10 ຕຸລາຜ່ານມາວ່າ: ພາຍຫຼັງການນໍານະຄອນຫຼວງວຽງຈັນແຈ້ງມາວ່າຈະມີການຈັດການແຂ່ງຂັນຊ່ວງເຮືອຢູ່ເຂດ ເສດຖະກິດສະເພາະບຶງທາດຫຼວງ ໂດຍມອບໃຫ້ກອງບັນຊາການ ປກສ ນະຄອນຫຼວງວຽງຈັນ ເປັນອະນຸກໍາມະການ ປ້ອງກັນ ໂດຍຄະນະກອງບັນຊາການໄດ້ແບ່ງເຂດປ້ອງກັນອອກເປັນ 2 ວົງໃຫຍ່ ປ້ອງກັນລວມມີທັງໝົດ 16 ຈຸດ; ໃນນັ້ນ, ວົງໃນມີ 8 ຈຸດ ແລະ ວົງນອກມີ 8 ຈຸດປ້ອງກັນ; ສະເພາະຈະລາຈອນເມືອງ ໄຊເສດຖາຮັບຜິດຊອບທັງໝົດ 6 ຈຸດວົງນອກປະກອບມີ: ຈຸດໄຊເສດຖາ ຫາ ໄຟແດງສັງກະສີ, ຈຸດ 4 ແຍກຫ້ອງການບ້ານ ໂພນທັນ, ຈຸດໄຟແດງ ລາວ-ໄອເຕັກ, ຈຸດໄຟແດງທາດຫຼວງ, ຈຸດ 3 ແຍກຫົວຂົວ-ໂນນຄໍ້ ແລະ ຈຸດເສັ້ນທາງຕັດໃໝ່ (ບໍລິເວນໜ້າຫ້ອງ ການບ້ານ ໂນນຫວາຍ ); ສະເພາະເມືອງ ສີສັດຕະນາກມີທັງໝົດ 2 ຈຸດ ຄື: ຈຸດໄຟອໍານາດໂພນປ່າເປົ້າ ແລະ ຈຸດ 4 ແຍກຕັດໃໝ່ບ້ານ ນ້ອຍຊຽງດາ; ສະເພາະວົງໃນມີທັງໝົດ 8 ຈຸດໃນນັ້ນມີຈຸດຈອດລົດ VIP, ຈຸດຈອດລົດທົ່ວໄປ, ຈຸດຂາຍເຄື່ອງ, ວົງດົນຕີ, ຈຸດວາງຂາຍສິນຄ້າ 1 ເມືອງ 1 ຜະລິດຕະພັນ ແລະອື່ນໆ ໂດຍນໍາໃຊ້ກໍາລັງນະຄອນຫຼວງ ວຽງຈັນ ເຂົ້າປ້ອງກັນ, ກໍາລັງປ້ອງກັນທັງໝົດຈະເລີ່ມລົງປ້ອງກັນໃນລະຫວ່າງວັນທີ 17-23 ຕຸລາ 2017 ນີ້.

ທ່ານກ່າວຕື່ມອີກວ່າ: ກ່ຽວກັບແຜນຮອງຮັບບັນຈຸລົດທີ່ມາແຕ່ສາຍໃຕ້-ສາຍເໜືອ ຫຼື ຊາວນະຄອນຫຼວງວຽງຈັນ ທີ່ ຈະມາຮັບຊົມການແຂ່ງຂັນເຮືອຊ່ວງຢູ່ເຂດເສດຖະກິດສະເພາະ ບຶງທາດຫຼວງ ພວກເຮົາໄດ້ມີການແບ່ງຈຸດ ແບ່ງເຂດໃນການຈອດຄື: ຈຸດຈອດລົດ VIP, ຈຸດຈອດລົດຊາວຄ້າຂາຍ ແລະ ຈຸດຈອດລົດມວນຊົນທົ່ວໄປໂດຍແຕ່ລະຈຸດຈະມີພະນັກງານບັນຈຸຢູ່ ເພື່ອອໍານວຍຄວາມສະດວກໃຫ້; ສະເພາະແຜນຮອງຮັບການສັນຈອນແມ່ນຈະບໍ່ມີການ ປິດເສັ້ນທາງ ຈະເປີດທັງ 4 ດ້ານທີ່ສາມາດເຂົ້າເຖິງງານບຸນ ເປັນຕົ້ນແມ່ນ: ເຂົ້າມາຕາມເສັ້ນທາງໂນນຫວາຍ, ເສັ້ນ ທາງເມືອງນ້ອຍຊຽງດາ ຫຼື ທາງປະຕູເຂດເສດຖະກິດສະເພາະບຶງທາດຫຼວງ ກໍໄດ້; ໃນນາມຕາງໜ້າໃຫ້ຕໍາຫຼວດຈະລາຈອນ ຂໍຮຽກຮ້ອງມາຍັງນັກຂັບຂີ່ຜູ້ໃຊ້ລົດ-ໃຊ້ຖະໜົນ ທີ່ຈະເຂົ້າມາທ່ຽວຊົມງານບຸນດັ່ງກ່າວຈົ່ງປະຕິບັດຕາມກົດລະບຽບການສັນຈອນໃຫ້ເຂັ້ມງວດ ແລະ ຢາກໃຫ້ທ່ານປະຕິບັດຕາມຄໍາແນະນໍາຂອງເຈົ້າໜ້າທີ່ ເພື່ອຮັບປະກັນຄວາມສະດວກສະບາຍໃນການໄປ-ມາ ຂອງບັນດາທ່ານ.

ແຫລ່ງຂ່າວ: Sengaloun Sayalath

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...