ມື້ນີ້ເຮົາມີວິທີເບິ່ງແຍງຕົວເອງໃນລະຫວ່າງຖືພາຂອງແມ່ ທີ່ມີຜົນຕໍ່ຄວາມສະຫລາດທາງສະຕິປັນຍາຂອງລູກນ້ອຍໃນມົດລູກ ມາແນະນຳກັນ
1. ອາລົມດີເຂົ້າໄວ້ ເພື່ອຮ່າງກາຍຈະໄດ້ລັ່ງສານຄວາມສຸກອອກມາ ແລະ ສົ່ງຜ່ານໄປຫາລູກເຮັດໃຫ້ລູກມີພັດທະນາການທີ່ດີທັງສະຫມອງ ແລະ ອາລົມ ແຕ່ຖ້າຄຽດຮ່າງກາຍຈະລັ່ງສານອະດຣີນາລີນແທນ ຊຶ່ງສົ່ງຜົນໃຫ້ລູກເກີດອອກມາເປັນເດັກມັກຄັດມັກລັງລ້ຽງຍາກ ແລະ ມີພັດທະນາການຊ້າໄດ້
2. ຮັບປະທານອາຫານເໝາະສົມ ໂດຍສະເພາະອາຫານທີ່ອຸດົມດ້ວຍກົດໄຂມັນບໍ່ອິ່ມຕົວ ເຊັ່ນ DHA AA ແລະ ARA ຊຶ່ງມີຫລາຍໃນປາທະເລ,ທັນຍະພືດຕ່າງໆ ຊຶ່ງເປັນອົງປະກອບສຳຄັນຂອງສະຫມອງຂອງລູກເຖິງຮ້ອຍລະ 60
3. ອອກກຳລັງກາຍ ເວລາທ່ານແມ່ອອກກຳລັງກາຍ ລູກໃນທ້ອງກໍຈະເຄື່ອນໄຫວຕາມຈັງຫວະຂອງແມ່ນຳ ຊຶ່ງການເຄື່ອນໄຫວນີ້ຈະຊ່ວຍກະຕຸ້ນລະບົບປະສາດສຳຜັດຂອງລູກໃຫ້ພັດທະນາດີຂຶ້ນ
4. ລູບໜ້າທ້ອງ ຈະກະຕຸ້ນລະບົບປະສາດ ແລະ ສະຫມອງສ່ວນຮັບຮູ້ຄວາມຮູ້ສຶກຂອງລູກໃຫ້ມີພັດທະນາການດີຂຶ້ນ ເທັກນິກງ່າຍໆ ຄືໃຫ້ທ່ານແມ່ລູບໜ້າທ້ອງເປັນວົງກົມວົນໄປມາ
5. ໂອລົມກັບລູກເລື້ອຍໆ ລະບົບປະສາດການຮັບຟັງຂອງລູກຈະເລີ່ມເຮັດວຽກປະມານອາຍຸການຖືພາໄດ້ 5 ເດືອນ ການໂອລົມກັບລູກດ້ວຍສຽງທີ່ນຸ່ມນວນ ປະໂຫຍກຊ້ຳໆຈະຊ່ວຍໃຫ້ລະບົບປະສາດ ແລະ ສະໜອງທີ່ຄວບຄຸມການໄດ້ຍິນພັດທະນາດີຂຶ້ນ ແລະ ຕຽມພ້ອມສຳລັບການໄດ້ຍິນຫລັງເກີດ
6. ຟັງເພງເພີນໆ ບໍ່ວ່າທ່ານແມ່ຟັງເພງຫຍັງ ລູກນ້ອຍກໍຈະໄດ້ຟັງໄປ ຍິ່ງຖ້າເປັນເພງຄາດສິກ ແລ້ວຈະຊ່ວຍກະຕຸ້ນໃຫ້ເຄືອຂ່າຍໃຍປະສາດທີ່ເຮັດວຽກກ່ຽວກັບການໄດ້ຍິນຂອງລູກພັດທະນາດີຂຶ້ນ ແລະ ມື່ອລູກເກີດອອກມາຈະມີຄວາມສາມາດໃນການຈັດລຳດັບຄວາມຄິດໃນສະຫມອງ ຮູ້ສຶກຜ່ອນຄາຍ ແລະ ຈົດຈຳສິ່ງຕ່າງໆໄດ້ດີ
7. ສ່ອງໄຟທີ່ໜ້າທ້ອງ ເມື່ອຖືພາໄດ້ປະມານ 7 ເດືອນ ລູກຈະສາມາດມືນຕາໄດ້ ການສ່ອງໄຟທີ່ໜ້າທ້ອງຈະເຮັດໃຫ້ເຊວສະຫມອງ ແລະ ເສັ້ນປະສາດສ່ວນຮັບພາບ ແລະ ການເບິ່ງເຫັນ ມີພັດທະນາດີຂຶ້ນ ແລະ ກຽມພ້ອມສຳລັບການເບິ່ງເຫັນຫລັງເກີດ