ທ່ານ ຖະໜອມ ທໍາທອງ ກໍາມະການພັກ ນະຄອນຫຼວງວຽງຈັນ, ເລຂາຄະນະພັນເມືອງໆໄຊເສດຖາ ໄດ້ຖະແຫຼງຂ່າວຕໍ່ສື່ມວນຊົນ ເມື່ອວັນທີ 11 ຕຸລາ ທີ່ບຶງທາດຫຼວງວ່າ: ຜ່ານການຮ້າງຫາກະກຽມຂອງຄະນະອະນຸກໍາມະການຕ່າງໆເປັນຕົ້ນ ອະນຸກໍາມະການທາງດ້ານສະຖານທີ່, ດ້ານຈັດງານຕະຫຼາດນັດ ເພື່ອວາງສະແດງ ແລະ ຂາຍສິນຄ້າ, ດ້ານເຕັກນິກການແຂ່ງຂັນ ແລະ ອື່ນໆເຫັນວ່າ ພວກເຮົາມີຄວາມພ້ອມຈັດງານການແຂ່ງຂັນເຮືອຊວງນະຄອນຫຼວງ ປະຈໍາປີ 2017 ທີ່ບຶງທາດຫຼວງ ເມືອງໄຊເສດຖາ ຢ່າງແນ່ນອນນັບແຕ່ວັນທີ 18-22 ຕຸລານີ້ ແນ່ນອນ.

ປັດຈຸບັນ ມີເຮືອແຈ້ງເຈດຈໍານົງເຂົ້າຮ່ວມປະກອບມີ: ເຮືອປະເພນີຊາຍ 9 ລໍາ, ເຮືອສູດຊາຍ 6 ລໍາ, ເຮືອປະເພນີຍິງ 2 ລໍາ, ເຮືອກີລາ 10 ລໍາ ແລະ ເຮືອເຈັດສະກີ້ 33 ລໍາ.

ສ່ວນເງິນລາງວັນ ເຮືອປະເພນີຊາຍ-ຍິງ ແລະ ເຮືອສູດຊາຍ ແມ່ນເທົ່າກັບຄື:
-ຊະນະເລີດ ໄດ້ຂັນເງິນ 1 ກິໂລກຣາມ ພ້ອມເງິນສົດ 25 ລ້ານກີບ
-ອັນດັບ 2 ຂັນເງິນ 0,75 ກິໂລ ພ້ອມເງິນ 15 ລ້ານກີບ.
-ອັນດັບ 3 ຂັນເງິນ 0,5 ກິໂລກຣາມ ພ້ອມເງິນ 10 ລ້ານກີບ.
-ອັນດັບ 4 ເງິນສົດ 10 ລ້ານກີບ.
ສ່ວນເຮືອກີລາ 12 ສີພາຍ ມີດັ່ງນີ້:
-ຊະນະເລີດໄດ້ຂັນໂລ 1 ໜ່ວຍ ພ້ອມເງິນສົດ 8 ລ້ານກີບ,
-ອັນດັບ 2 ຂັນໂລ້ 1 ໜ່ວຍ ພ້ອມເງິນ 6 ລ້ານກີບ
-ອັນດັບ 3 ຂັນເງິນ 1 ໜ່ວຍ ພ້ອມເງິນສົດ 4 ລ້ານກີບ
-ອັນດັບ 4 ເງິນສົດ 3 ລ້ານກີບ

ແຫລ່ງຂ່າວ: ລາວອັບເດດ