spot_img
Homeຄົມຄິດຄົມຄົນຄຳແນະນຳແສນລໍ້າຄ່າ ຈາກບິວເກດ ແກ່ນັກສຶກສາຈົບໃໝ່

ຄຳແນະນຳແສນລໍ້າຄ່າ ຈາກບິວເກດ ແກ່ນັກສຶກສາຈົບໃໝ່

Published on

ສິ່ງທີ່ທ່ານກຳລັງຈະໄດ້ຮັບຮູ້ຕໍ່ໄປນີ້ ມາຈາກຊາຍຜູ້ກໍ່ຕັ້ງ Microsoft ຜູ້ໄດ້ຮັບສາຍາວ່າ ນັກບຸນໃນຕຳນານ ແລະຜູ້ຊາຍທີ່ລໍ້າລວຍທີ່ສຸດຂອງໂລກຜູ້ນີ້ ເຂົາຕັດສິນໃຈທີ່ຈະເພື່ອແພ່ເຄັດລັບຄວາມສຳເລັດ ໃນຊີວິດຂອງເຂົາ ເພາະເມື່ອເດືອນພຶດສະພາ 2017 ທີ່ຜ່ານມາ ເຂົາກໍໄດ້ທະວີດສຸນທອນພົດປະລິນຍາອັນເລິກເຊິ່ງສະບັບຫຍໍ້ໆ ອອກມາຈຳນວນ 14 ທະວີດນຳກັນ.
ເຂົາກ່າວວ່າ “ນັກສຶກສາຈົບໃໝ່ມັກຈະຂໍຄຳແນະນຳກັບຂ້ອຍກ່ຽວກັບການເຮັດວຽກ” ບິວເກດ ຈຶ່ງເລືອກໃຊ້ທະວິດເຕີທີ່ຈຳກັດຈຳນວນຄຳບໍ່ເກີນ 300 ຄຳຕໍ່ໜຶ່ງທະວີດ ນີ້ແຫຼະເປັນຫົນທາງເຜີຍແພ່ ສິ່ງທີ່ຈະຊ່ວຍກະຕຸຸ້ນຄວາມຄິດຜູ້ຄົນ ວ່າຖ້າເຂົາກຳລັງຈະສຳເລັດການສຶກສາເຂົາຈະເຮັດຫຍັງ ລວມໄປເຖິງສິ່ງທີ່ເຂົາຄິດວ່າຄວນຈະຮູ້ຕັ້ງແຕ່ສະໄໝທີ່ຫາກໍຈົບໃໝ່ໆ ເຮົາລອງມາເບິ່ງຄວາມຄິດເຫັນທີ່ເດັ່ນໆ ຫນ້າສົນໃຈກັນດີກວ່າ.
1. ເທັກໂນໂລຢີ AI (ປັນຍາປະດິດ) ວິທະຍາສາດຊີວະພາບ ແລະພະລັງງານ ອາດຈະເປັນກ້າວຕໍ່ໄປຂອງການເຮັດວຽກຂອງທ່ານ 
ບິວເກດ ທະວີດວ່າ ສິ່ງເຫຼົ່ານີ້ຄືພື້ນທີ່ທີ່ທ່ານຈະມີໂອກາດ “ສ້າງຄວາມຍິ່ງໃຫຍ່” ແລະເຖິງແມ່ນວ່າເຂົາຈະບໍ່ລະບຸສະເພາະເຈາະຈົງ ແຕ່ພະລັງງານທີ່ເຂົາກ່າວນ່າຈະໝາຍເຖິງ ພະລັງງານສີຂຽວ ເຊິ່ງບໍ່ແມ່ນເຊື້ອເພີງຈາກຊາກດຶກດຳບັນຢ່າງແນ່ນອນ.
2. ຄວາມສະຫຼາດຄືສິ່ງທີ່ຖືກຕີີີຄ່າສູງເກີນໄປ
ບິວເກດ ທະວີດວ່າ ມັນຄົນຈະດີຖ້າເຂົາຮູ້ຕັ້ງແຕ່ຕອນອອກຈາກ ມະຫາວິທະຍາໄລວ່າ ຄວາມສະຫຼາດມີຫຼາຍຮູບແບບ ແລະ “ມັນບໍ່ໄດ້ມີຄວາມສຳຄັນຫຼາຍເທົ່າກັບທີ່ຂ້ອຍເຄີຍຄິດໄວ້ເລີຍ” ເຊິ່ງມັນສອດຄ່ອງກັບງານວິໄຈເມື່ອໄວໆມານີ້ ທີ່ແນະນຳວ່າ “ຄວາມອົດທົນ” ແລະ “ຄວາມທຸ່ນທ່ຽງທາງດ້ານຈິດໃຈ” ອາດຈະເປັນໂຕວັດແທກຄວາມສຳເລັດ.
3. ທ່ານຄວນຈະເລິ່ມຕໍ່ສູ້ເພື່ອໃຫ້ໂລກຍຸດຕິທຳຂຶ້ນຕັ້ງແຕ່ມື້ນີ້
ບິວເກດ ທະວີດວ່າ ໜຶ່ງສິ່ງທີ່ເຮັດໃຫ້ເຂົາເສຍໃຈຫຼາຍທີ່ສຸດ ຄືການໃຊ້ເວລາຫຼາຍກວ່າ 10 ປີ ເພື່ອທີ່ເຂົາຈະໄດ້ຮຽນຮູ້ວ່າສິ່ງທີ່ຊົ່ວຮ້າຍທີ່ສຸດໃນໂລກໜ່ວຍນີ້ ຄື ຄວາມບໍ່ເທົ່າທຽມ ເຂົາທະວີດວ່າ “ພວກເຈົ້າເຂົ້າໃຈເລື່ອງພວກນີ້ດີກວ່າຕອນທີ່ຂ້ອຍອາຍຸເທົ່າກັບພວກເຈົ້າອີກ” ເຊິ່ງນັ້ນມັນກໍຄົງຈະຈິງ ບິວເກດຢາກໃຫ້ເຫຼົ່ານັກສຶກສາຈົບໃໝ່ແລະຄົນອື່ນໆ ເລິ່ມຕົ້ນເຮັດຫຍັງຈັກຢ່າງທີ່ກ່ຽວກັບຄວາມບໍ່ເທົ່າທຽມ ບໍ່ວ່າຈະອ້ອມຮອບໂຕທ່ານຫຼືທີ່ເກີດຂຶ້ນອີກຟາກໂລກໜຶ່ງກໍຕາມ ຈົ່ງເລິ່ມສາຕັ້ງແຕ່ຕອນນີ້ເລີຍ.
4. ເລືອກຄົບເພື່ອນແລະຄົນຮັກທີ່ຈະຊ່ວຍໃຫ້ທ່ານກາຍເປັນຄົນທີ່ດີຂຶ້ນ
ບິວເກດ ທະວີດວ່າ “ຈົ່ງເອົາໂຕເອງເຂົ້າໄປຢູ່ໃນວົງລ້ອມຂອງຜູ້ຄົນທີ່ຈະທ້າທາຍທ່ານ ສອນທ່ານ ແລະຊຸກຍູ້ທ່ານໃຫ້ທ່ານກາຍເປັນໂຕຂອງທ່ານໃນແບບທີ່ດີທີ່ສຸດ” ເຂົາຍັງບອກວ່າ “ເໝືອນກັບ ວໍເຣນ ບັບເຟ ຂ້ອຍທຽບຄວາມສຸກຂອງໂຕເອງໂດຍການເບິ່ງວ່າຜູ້ຄົນທີ່ສະໜິດກັບຂ້ອຍມີຄວາມສຸກແລະຮັກຂ້ອຍຫຼືບໍ່ ແລະຂ້ອຍຊ່ວຍສ້າງຄວາມປ່ຽນແປງໃນຊີວິດຄົນອື່ນໄດ້ຈັ່ງໃດແດ່”.
5. ຈົ່ງເປີດໃຈ ເພາະໂລກໜ່ວຍນີ້ເປັນຕາຢູ່ກວ່າທີ່ທ່ານຄິດ
ບິວເກດ ທະວີດວ່າ ໜັງສືຂອງ ສະຕີເວນ ພິງເກີ (Steven Pinker) ໄດ້ນຳທາງຜູ້ອ່ານຍ້ອນເວລາກັບໄປສູ່ຍຸກບູຮານ ເພື່ອ “ຊີ້ໃຫ້ເຫັນໂລກຄ່ອຍໆ ດີຂຶ້ນໄດ້ຈັ່ງໃດ” ເຂົາບອກອີກວ່າ “ອາດຈະຟັງເບິ່ງແລ້ວອອກບ້າໆ ແຕ່ມັນກໍຄືຄວາມຈິງ ຂ້ອຍວ່ານີ້ຄືຊ່ວງເວລາທີ່ມີຄວາມສະຫງົບສຸກທີ່ສຸດໃນປະຫວັດສາດມະນຸດຊາດເລີຍ”.
ເຂົາກ່າວວ່າມັນສຳຄັນແທ້ໆ ເພາະເມື່ອເຮົາຄິດວ່າໂລກໜ່ວຍນີ້ກຳລັງດຳເນີນໄປທາງທີ່ດີຂຶ້ນ ເຮົາກໍຈະຢາກແບ່ງປັນໃຫ້ຜູ້ຄົນ ແລະພື້ນທີ່ອື່ນໆ ໄດ້ສຳຜັດມັນຫຼາຍຂຶ້ນ ແລະມັນຍັງເຮັດໃຫ້ທ່ານເກີດສັດທາວ່າ ບັນຫາໜັກໜ່ວງຫຼວງຫຼາຍທີ່ເຮົາທຸກຄົນກຳລັງປະເຊີນຢູ່ນີ້ ມັນສາມາດແກ້ໄຂໄດ້ ການມີມຸມມອງກ່ຽວກັບໂລກແບບນີ້ “ມັນຊ່ວຍປະຄັບປະຄອງໃຫ້ຂ້ອຍຜ່ານຊ່ວງເວລາທີ່ຍາກລຳບາກໄປໄດ້ ແລະເປັນເຫດຜົນທີ່ຂ້ອຍຮັກວຽກທີ່ຂ້ອຍເຮັດ ຂ້ອຍເຊື່ອວ່າມັນຈະສົ່ງຜົນດຽວກັນກັບເຈົ້ານຳ” ເຂົາທະວີດ.
ແລະເຂົາກໍລົງທ້າຍດ້ວຍຄຳເວົ້າທີ່ປ່ຽມໄປດ້ວຍຄວາມໝາຍວ່າ “ນີ້ຄືໄລຍະເວລາອັນແສນວິເສດທີ່ຈະມີຊີວິດຢູ່ ຂ້ອຍຫວັງວ່າເຈົ້າຈະໃຊ້ມັນຢ່າງຄຸ້ມຄ່າທີ່ສຸດ”.
ບົດຄວາມຈາກ: Inc-asean

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...