ອົງການຂົນສົ່ງຂອງດູໄບ ໄດ້ເຊັນສັນຍາກັບ Volocopter ໃນໂຄງການທົດສອບການບິນເລີ່ມຕັ້ງແຕ່ປີ 2017 ເປັນເວລາ 5 ປີ ກ່ອນທີ່ຈະເປີດໃຊ້ບໍລິການແທ້ ແລະ ຮຽນສະໜາມບິນນີ້ວ່າ Autonomous Air Taxi (AAT) ໂດຍຫວັງວ່າ AAT ຈະໃຫ້ບໍລິການຜູ້ໂດຍສານປະມານ 25% ຂອງການເດີນທາງທັງໝົດໃນເມືອງດູໄບພາຍໃນປີ 2030

ເມືອງດູໄບກຳລັງມຸ່ງເນັ້ນທີ່ຈະເປັນຜູ້ນຳໃນການໃຊ້ເທັກໂນໂລຢີທັນສະໄໝກັບການໃຫ້ບໍລິການສາທາລະນະ ຈາກແຜນການສ້າງລະບົບຂົນສົ່ງ Hyperloop One ທີ່ໃກ້ຈະເປັນຈິງ ມາຈົນເຖິງການໃຊ້ບໍລິການແທັກຊີບໍ່ມີຄົນຂັບ ໂດຍໃຊ້ລົດໄຟຟ້າຂັບເຄື່ອນອັດຕະໂນມັດຂອງ Tesla ຈຳນວນ 50 ຄັນ ເປັນຊຸດທຳອິດເມື່ອກາງເດືອນກັນຍາທີ່ຜ່ານມາ ຫຼ້າສຸດເມື່ອວັນທີ 25 ກັນຍາ 2017 ໄດ້ເຮັດການທົດສອບ “ແທັກຊີບິນ” ທີ່ພັດທະນາໂດຍບໍລິສັດ Volocopter ຈາກເຢຍລະມັນເປັນຄັ້ງທຳອິດ ແລະ ປະສົບຄວາມສຳເລັດຕາມເປົ້າໝາຍ