ງານວິໄຈໃນປະເທດອັງກິດໄດ້ເຮັດການສຳຫຼວດ ແລະ ສອບຖາມເດັກນ້ອຍທີ່ມີອາຍຸແຕ່ 11-18 ປີ ກ່ຽວກັບການໃຊ້ໂທລະສັບມືຖືຂອງຜູ້ປົກຄອງ ພົບວ່າພໍ່ແມ່ຂອງພວກເຂົາມີການໃຊ້ອຸປະກອນດັ່ງກ່າວຫຼາຍຈົນເກີນໄປ ເຮັດໃຫ້ບໍ່ມີເວລາໃຫ້ກັບລູກ ສົ່ງຜົນໃຫ້ຄອບຄົວຂາດຄວາມອົບອຸ່ນ ເກີດຄວາມຫ່າງເຫີນ ບໍ່ມີຄວາມສະໜິດກັນ ເຖິງແມ່ນວ່າຈະເປັນພໍ່ແມ່ລູກກັນກໍ່ຕາມ
ຈາກຜົນການສຳຫຼວດພົບວ່າ 14% ຂອງເດັກນ້ອຍບອກວ່າພໍ່ແມ່ຂອງພວກເຂົາມັກຫຼິ້ນໂທລະສັບໃນເວລາກິນເຂົ້າ ເຊິ່ງພວກເຂົາຄິດວ່າເວລານີ້ເປັນຊ່ວງເວລາທີ່ສຳຄັນທີ່ຄົນໃນຄອບຄົວຢູ່ຄົບໜ້າກັນ
ໃນຂະນະອີກ 22% ກ່າວວ່າການທີ່ພໍ່ແມ່ຂອງພວກເຂົາຕິດໂທລະສັບມືຖື ເຮັດໃຫ້ຄອບຄົວຂອງເຂົາມີຄວາມສຸກໜ້ອຍລົງ ທັງຍັງເກີດຊ່ອງວ່າງລະຫວ່າງຄົນໃນຄອບຄົວເພີ່ມຂຶ້ນອີກດ້ວຍ