ເມື່ອວັນທີ 29 ກັນຍາ 2017 ບີບີຊີລາຍງານວ່າ ວິທະຍາໄລເຊນຮິວຈ໌ ຂອງມະຫາວິທະຍາໄລ ອອັກຟອດ ທີ່ເປັນວິທະຍາໄລທີ່ທ່ານ ນາງ ອອງຊານ ຊູຈີ ຜູ້ນຳມຽນມາເຄີຍສຶກສາ ແລະ ໄດ້ຮັບໃບປະກາດສະນີຍະບັດເມື່ອ 5 ປີກ່ອນ ໄດ້ປົດຮູບແຕ້ມຂອງທ່ານນາງ ຊູຈີ ອອກຈາກໂຮງຮຽນ ໂດຍບໍ່ໄດ້ໃຫ້ເຫດຜົນທີ່ຊັດເຈນ
ທ່ານ ເບນຈາມິນ ໂຈນສ໌ ຜູ່ຈັດການຝ່າຍສື່ສານຂອງວິທະຍາໄລ ເຜີຍວ່າຮູບທີ່ນຳມາຕິດແທນ ເປັນຮູບຂຽນຂອງທ່ານ ໂຢຊິຮິໂຣະ ທາຄາດະ ສີລະປິນຊາວຍີ່ປຸ່ນ ແລະ ໄດ້ນຳຮູບຂຽນຂອງທ່ານນາງ ຊູຈີ ໄປເກັບໄວ້ບ່ອນອື່ນແທນ
ທັງນີ້ ທ່ານ ນາງ ຊູຈີ ກຳລັງຖືກປະຊາຄົມໂລກວິພາກວິຈານຢ່າງໜັກ ກ່ຽວກັບກໍລະນີ້ການຈັດການກັບວິກິດການຊາວໂຣຮິນຢາໃນລັດຍະໄຂ່ ເຮັດໃຫ້ຕ້ອງມີຊາວໂຣຮິນຈາຈຳນວນຫຼາຍຕ້ອງອົບພະຍົບຈາກປະເທດ ເຖິງຢ່າງໃດກໍ່ຕາມບໍ່ມີລາຍງານວ່າການປົດຮູບພາບຂອງທ່ານ ນງ ຊູຈີ ອອກກ່ຽວຂ້ອງກັບກໍລະນີດັ່ງກ່າວ ຫຼື ບໍ່