ພາຍຫຼັງທີ່ທາງບໍລິສັດດວງດີ ກໍ່ສ້າງແລະຂົວທາງ ໄດ້ແຈ້ງໃຫ້ຜູ້ໃຊ້ເສັ້ນທາງຮັບຊາບວ່າ ຈະໄດ້ຂຶ້ນລາຄາຄ່າຜ່ານທາງ 16 w ປາກເຊ-ວັງເຕົ່າ ແລະ 14 A ແຕ່ທາງຄົບ ໄປຫາ ພະພິນ, ຫ້ອງວ່າການແຂວງຈຳປາສັກ ຈຶ່ງໄດ້ມີການພິຈາລະນາຄົ້ນຄວ້າບັນຫາດັ່ງກ່າວທັນທີ ໂດຍອີງໃສ່ແຈ້ງການຂອງຫ້ອງວ່າການລັດຖະບານ, ທິດຊີ້ນຳຂອງຜູ້ປະຈຳການເຈົ້າແຂວງຈຳປາສັກ ແລະຜົນຂອງກອງປະຊຸມຮ່ວມລະຫວ່າງທາງການແຂວງຈຳປາສັກ ກັບບໍລິສັດດວງດີ ກໍ່ສ້າງແລະຂົວທາງ ຜູ້ສຳປະທານເສັ້ນທາງດັ່ງກ່າວ, ຫ້ອງວ່າການແຂວງຈຳປາສັກຈຶ່ງໄດ້ອອກແຈ້ງການໂຈະການຂຶ້ນຄ່າຜ່ານທາງດັ່ງກ່າວໄວ້ໃນລາຄາເກົ່າທີ່ທາງສູນກາງໄດ້ອະນຸມັດແລ້ວນັ້ນ.
