ບີບີຊີລາຍງານວ່າ ເວັບໄຊກອງກຳລັງລັດອິສລາມ ຫຼື ໄອເອສ ເຜີຍແຜ່ເທັບສຽງໃໝ່ທີ່ມີນ້ຳສຽງຄ້າຍ ທ້າວ ອາບູ ບັກຣ໌ ອັລ-ແບກແດດີ ຫົວໜ້າກຸ່ມທີ່ເຄີຍມີຂ່າວວ່າເສຍຊີວິດໄປແລ້ວ ໃນລະຫວ່າງການໂຈມຕີທາງອາກາດຂອງຣັດເຊຍທີ່ເມືອງ ອັລເກາະໃນຊີເຣຍ ເມື່ອວັນທີ 28 ພຶດສະພາ 2016
ຄຳເວົ້າໃນເທັບດັ່ງກ່າວມີຄວາມຍາວ 46 ນາທີ ລະບຸວ່າເປັນເທັບໃໝ່ ເພາະໄດ້ເອີ່ຍເຖິງສະຖານະການຄວາມເຄັ່ງຮ້ອນໃນແຫຼມເກົາຫຼີເໜືອທີ່ເປັນໄພຄຸກຄາມຕໍ່ຍີ່ປຸ່ນ ແລະ ສະຫະລັດອາເມລິກາ
ໃນເທັບນີ້ຫົວໜ້າໄອເອສຍັງເວົ້າເຖິງເສິກໃນເມືອງ ໂມຊຸລ ທາງພາກເໜືອຂອງອິຣັກ ຫຼັງກອງກຳລັງລັດຖະບານອິຣັກຢຶດຄືນໄປໄດ້ໃນເດືອນກໍລະກົດປີນີ້ ຮວມເຖິງເມືອງ ອັລຣັອກເກາະ ແລະ ເມືອງ ຮາມາໃນຊີເຣຍ
ໄຣອັນ ດິລລອນ ໂຄສົກໜ່ວຍກອງກຳລັງສະຫະລັດທີ່ຕໍ່ສູ້ກັບໄອເອສ ກ່າວວ່າ ເມື່ອກ່ອນບໍ່ທັນມີຂໍ້ພິສູດວ່າ ແບກແດດີຕາຍໄປແລ້ວ ດັ່ງນັ້ນສະຫະລັດໄດ້ຍົກຂໍ້ນີ້ຂຶ້ນມາສະເໜີວ່າ ຫົວໜ້າກຸ່ມໄອເອສຍັງມີຊີວິດຢູ່
ສ່ວນຜູ້ຊ່ຽວຊານໜ່ວຍຂ່າວກອງສະຫະລັດເຜີຍວ່າ ຢູໃນລະຫວ່າງກວດສອບເທັບນີ້ ແຕ່ບໍ່ມີເຫດຜົນທີ່ຕ້ອງສົງໃສວ່າເທັບນີ້ເປັນຂອງແທ້ ຫຼື ບໍ່