ເມ ວະລິສະລາ ອີກຄັ້ງໜຶ່ງທີ່ສ້າງຊື່ສຽງໃຫ້ກັບແມ່ຍິງລາວໃນເວທີສາກົນ ດ້ວຍການຄວ້າລາງວັນ Miss Exquisite Asia ຈາກການປະກວດ Exquisite Face of The Universe ທີ່ປະເທດ ການ້າ ເມື່ອວັນທີ 16 ກັນຍາ 2017 ທີ່ຜ່ານມາ.

Exquisite Face of The Universe ເປັນກອງປະກວດໃບໜ້າຂອງແມ່ຍິງລະດັບສາກົນ ຄົ້ນຫາແມ່ຍິງທີ່ມີຄວາມເປັນສາກົນແລະມີທັກສະໃນການທູດ ມາເພື່ອໂປຣໂໝດທະວີບອາຟິກາ ໂດຍບໍ່ເນັ້ນຊາດນິຍົມ ເພາະຕ້ອງການສື່ໃຫ້ເຫັນຖຶງຄວາມເປັນສາກົນແລະບໍ່ຢຽດສີຜິວໃນຊົນຊັ້ນຄົນຜິວດຳ

ແຕ່ສຳລັບເວທີນີ້ບອກເລີຍວ່າມີກະແສຂ່າວທັງດ້ານດີ ແລະ ດ້ານລົບ ເລື່ອງຄວາມບໍ່ເໝາະສົມດ້ານຊຸດປະຈຳຊາດ ໃນໄລຍະ 18 ມື້ ມີທັງຄວາມປະທັບໃຈ ແລະ ເສຍໃຈ ຈົນສາວເມ ໄດ້ອອກມາໂພສຄວາມຮູ້ສຶກ ແລະ ເລົ່າປະສົບການທີ່ໄດ້ພົບໃນກອງປະກວດນີ້ ຜ່ານເພຈຂອງນາງ Varissara May Tangsouvanh ເພື່ອຈະໃຫ້ທຸກຄົນເຂົ້າໃຈກວ່ານາງຈະໄດ້ລາງວັນນີ້ມາຄອງມັນບໍ່ແມ່ນເລື່ອງງ່າຍໆ

ຊົມເຊີຍກັບຜົນງາມທີ່ສາວເມ ວະລິສະລາ ຍາດລາງວັນອັນຊົງກຽດອີກໜຶ່ງເວທີມາຕ້ອນພີ່ນ້ອງຊາວລາວໄດ້ ແລະ ຂໍເປັນກຳລັງໃຈໃຫ້ສາວເມຕໍ່ໄປ ແລະ ຫວັງວ່າຈະມີພາກສ່ວນຕ່າງໆເຫັນຄວາມຕັ້ງໃຈ ຍື່ນມືເຂົ້າມາໃຫ້ການສະໜັບສະໜູນ “ຈົ່ງເຊື່ອໃນຄວາມຝັນຂອງຕົນເອງ ແລະ ເດີນໄປຕາມຄວາມຝັນດ້ວຍພະລັງແຫ່ງຄວາມສັດທາ”