ສຳນັກຂ່າວຕ່າງປະເທດລາຍງານວ່າ ເວລາປະມານ 13:00 ປາຍ ຂອງວັນທີ 19 ກັນຍາ 2017 (ຕາມເວລາທ້ອງຖິ່ນ) ຢູ່ປະເທດແມັກຊິໂກ ໄດ້ເກີດແຜ່ນດິນໄຫວຢ່າງແຮງເຖິງ 7.1 ແມັກນີຈູດ ໃນພາກກາງຂອງປະເທດ ແລະໃກ້ກັບນະຄອນຫຼວງແມັກຊິໂກ ແຮງສັ່ນສະເທືອນໄດ້ເຮັດໃຫ້ອາຄານໃນເມືອງຫຼວງຂອງແມັກຊິໂກ ຫັກພັງລົງຈຳນວນຫຼາຍ ເປັນເຫດໃຫ້ມີຜູ້ເສຍຊີວິດແລ້ວຢ່າງໜ້ອຍ 119 ຄົນ.
ມີລາຍງານວ່າ ເມື່ອ 2 ອາທິດກ່ອນ ກໍໄດ້ເກີດແຜ່ນດິນໄຫວບາດໜຶ່ງແລ້ວ ແທກຄວາມແຮງໄດ້ 8.1 ແມກນີຈູດ ໃນປະເທດແມັກຊິໂກ ເຮັດໃຫ້ມີຜູ້ເສຍຊີວິດ 90 ກວ່າຄົນ. ແລະເມື່ອປີ 1985 ກໍເຄີຍເກີດແຜ່ນດິນໄຫວຄັ້ງຮ້າຍແຮງ ເຮັດໃຫ້ມີຜູ້ເສຍຊີວິດເຖິງ 10,000 ກວ່າຄົນ.