ເມື່ອວັນທີ 19 ກັນຍາ 2017 ເອພີລາຍງານວ່າ ທາງການຍີ່ປຸ່ນເຄື່ອນຍ້າຍອຸປະກອນຕິດຕັ້ງລະບົບຂີປະນາວຸດ ລະ ຫັດ ແພດ-3 ຫຼື Patriot Advanced Capability-3 ທີ່ເກາະຮັອກໄກໂດ ທາງພາກເໜືອຂອງປະເທດແລ້ວ ເພື່ອກຽມຮັບມືກັບເກົາຫຼີເໜືອເຊິ່ງອາດຈະມີການທົດສອບຂີປະນາວຸດຂ້າມທະວີບອີກ ດັ່ງນັ້ນການຕິດຕັ້ງຂີປະນາວຸດຍິງສະກັດກັ້ນຈິ່ງເປັນສິ່ງສຳຄັນຫຼາຍເພື່ອປົກປ້ອງພົນລະເມືອງຂອງຕົນ
ສຳລັບແພດ-3 ໄດ້ເຄື່ອນຕົວອອກຈາກຖານທີ່ໝັ້ນໃນເມືອງ ຍາກຸໂມະ ໄປທີ່ຖານຮາໂກະດາເຕະ ທີ່ເກາະຮັອກໄກໂດ ມີໄລຍະການໄກກວ່າ 20 ກິໂລແມັດ ສ່ວນໜ່ວຍແພດ-3 ອື່ນໆ ໄວ້ໃຊ້ຄຸ້ມກັນທີ່ເມືອງຫຼວງນັ້ນໄດ້ຍ້າຍໄປຕິດຕັ້ງໃນທາງຕະເວັນຕົກສຽງໃຕ້ ນັບຕັ້ງວັນທີ່ເກົາຫຼີເໜືອຂູ່ວ່າຈະຍິງຂີປະນາວຸດໃສ່ເກາະກວມຂອງສະຫະລັດ ໃນທະເລປາຊີ ຟິກ
ຍີ່ປຸ່ນມີລະບົບປ້ອງກັນຂີປະນາວຸດຢູ່ 2 ຊັ້ນ ຊັ້ນທຳອິດເປັນຕົວຍິງສະກັດຊື່ ສະແຕນດາດ ມິສໄຊລ໌-3 ຕິດຕັ້ງຢູ່ເຮືອພິຄາດອີຈີສ ໃນທະເລຍີ່ປຸ່ນ ໃຊ້ຍິງສະກັດຂີປະນາວຸດສັດຕູໄດ້ກາງອາກາດ ຖ້າພາດຈະໃຊ້ລະບົບແພດ-3 ຍິງຂີປະນາ ວຸດແພດທຣີອອດ ຈາກພາກພື້ນດິນສູ່ອາກາດ