ສຳລັບລູກຂອງໃຜທີ່ບໍ່ມັກກິນຜັກຄວນອ່ານທາງນີ້ ເພາະໃນຄໍລຳ ແມ່ ແລະ ລູກ ມື້ນີ້ແອັດຈະມານຳສະເໜີ ເທັກນິກຊ່ວຍໃຫ້ລູກຫັນມາສົນໃຈໃນການກິນຜັກ ເຊິ່ງຈະມີແນວໃດນັ້ນເຮົາມາຮູ້ຈັກໄປພ້ອມກັນເລີຍ

1. ໝັ່ນໃຫ້ລູກກິນແກງຜັກ

ເດັກນ້ອຍທີ່ມີອາຍຸ 6 ເດືອນຂຶ້ນໄປ ສາມາດກິນອາຫານອ່ອນໆນອກຈາກນົມໄດ້ແລ້ວ ດັ່ງນັ້ນຈິ່ງເປັນຊ່ວງເວລາທີ່ແມ່ສາມາດສອນໃຫ້ລູກເລີ່ມກິນຜັກໄດ້

2. ປຸງອາຫານໃຫ້ຖືກໃຈລູກ

ຣົດຊາດຂອງອາຫານກໍ່ເປັນສ່ວນໜຶ່ງທີ່ສຳຄັນທີ່ຈະຊ່ວຍໃຫ້ລູກມັກກິນຜັກໄດ້ ທ່ານຄວນເລືອກເມນູອາຫານທີ່ລູກຂອງທ່ານມັກມາເຮັດໃຫ້ກິນ ແລະ ຕ້ອງເປັນອາຫານທີ່ມີສ່ວນປະສົມຂອງຜັກຢູ່ນຳທຸກຄັ້ງ

3. ແຕ່ງໜ້າອາຫານໃຫ້ສວຍງາມ

ນອກຈາກຣົດຊາດແຊບແລ້ວ ອີກໜຶ່ງສິ່ງທີ່ຈະຊ່ວຍກະຕຸ້ນໃຫ້ລູກຢາກກິນອາຫານກໍ່ຄື ສີສັນ ແລະ ໜ້າຕາຂອງອາຫານ

4. ປ່ຽນຈາກການບັງຄັບລູກກິນຜັກມາເປັນການຊວນກິນ

ການບັງຄັບນອກຈາກຈະເຮັດໃຫ້ລູກບໍ່ຍອມກິນຜັກແລ້ວ ອາດເກີດການຕໍ່ຕ້ານ ແລະ ອາດຝັງໃຈຈົນເຮັດໃຫ້ບໍ່ຢາກກິນຜັກເລີຍ

5. ສອນໃຫ້ລູກຊ່ວຍເຮັດອາຫານ

ເມື່ອລູກໄດ້ເຮັດອາຫານຈານທີ່ຕົນເອງຈະກິນນັ້ນ ນອກຈາກຈະເຮັດໃຫ້ລູກມີຄວາມຮູ້ສຶກມ່ວນແລ້ວຍັງເຮັດໃຫ້ລູກຢາກກິນອາຫານທີ່ຕົນເອງເຮັດອີກດ້ວຍ