ໃນວັນຈັນ ວັນທີ 11 ກັນຍາ 2017 ເວລາປະມານ 17:30 ໂມງ ໜ່ວຍກູ້ໄພມູນນິທິຈີນໄດ້ຮັບເເຈ້ງເຂົ້າເບີສຸກເສີນ1628 ວ່າມີຄົນຖືກຍິງ ຢູ່ເຂດຄອງນໍ້າຊົນລະປະທ່ານ ບ້ານດົງນາໂຊກ ເມືອງ ສີໂຄດຕະບອງ ນະຄອນຫລວງວຽງຈັນ.
ໜ່ວຍກູ້ໄພມູນນິທິຈີນຈຶ່ງໄດ້ອອກກວດສອບເຫດພົບຜູ້ບາດເຈັບ 1 ຄົນເປັນເພດຊາຍ ອາການເບື້ອງຕົ້ນແມ່ນເສຍເລືອດຫຼາຍ ແລະ ມີລູກປືນຄາຢູ່ຂາໂຕ້ເບື້ອງຂວາ; ໜ່ວຍກູ້ໄພຈິ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ(150ຕຽງ).
ຂ່າວລ້າສຸດຕາມການລາຍງານຂອງຫນັງ ສືພິມລາວພັດທະນາ ສະບັບວັນທີ 14 ກັນຍາ2017 ຕາມການໃຫ້ຂໍ້ມູນຂອງກົມຕຳຫຼວດສືບສວນສອບສວນໃຫ້ຮູ້ວ່າ: ຜູ້ກໍ່ເຫດຄັ້ງນີ້ ແມ່ນທ້າວໂຕ ອາຍຸ23 ປິ ອາຊີບກຳມະກອນ ຢູ່ບ້ານຫນອງປາໄນ ເມືອງສີໂຄດຕະບອງ ນະຄອນຫຼວງວຽງຈັນ ໂດຍໃຊ້ປືນສັ້ນດັດແປງ ຍິງໃສ່ຂາຂວາຂອງທ້າວໝາຍ ອາຍຸ 20ປີ ຢູ່ບ້ານໂພນສະຫວາດໃຕ້ ເມືອງ ສີໂຄດຕະບອງນະຄອນຫຼວງວຽງຈັນສາເຫດຜິດໃຈກັນແມ່ນຍ້ອນບັນຫາຊູ້ສາວ
ແຫລ່ງຂ່າວ: Sengaloun Sayalath